Jahandaný dáýirinde kásibı bilim men daǵdylardy jetildirý – kez kelgen mamannyń basty mindetteriniń biri. Zaman kóshinen qalmaı, básekege qabiletti bolý úshin úzdiksiz izdenis pen ózin-ózi damytý asa mańyzdy. Osy maqsatta, Almaty qalasynyń bilim berý júıesin damytýǵa arnalǵan 2023–2030 jyldarǵa arnalǵan óńirlik jol kartasy aıasynda Brazılıa memleketinde halyqaralyq taǵylymdamadan ótý múmkindigine ıe boldym.
Bul taǵylymdama barysynda Industry 4.0 tehnologıalarymen tereń tanysyp, zamanaýı óndiristegi sońǵy jańalyqtardy zertteýge jol ashyldy. Brazılıanyń jetekshi tehnıkalyq oqý oryndary men aldyńǵy qatarly óndiris oshaqtarynda bolyp, avtomattandyrylǵan júıeler men sandyq modeldeý úderisterimen tanystym.
Atap aıtqanda, Festo kompanıasynyń óndiristik keshenderindegi aqyldy óndiris tehnologıalary, sensorlyq basqarý júıeleri jáne sıfrlyq modeldeý sheshimderi erekshe áser qaldyrdy. Industry 4.0 daǵdylaryna arnalǵan Festo baıqaýy – avtomattandyrý men ınovasıalyq sheshimder baǵytynda jumys isteıtin mamandar úshin úlken múmkindik. Baıqaý barysynda qatysýshylarǵa óndiristik robototehnıka, jasandy ıntellekt jáne sıfrlyq tehnologıalar salasyndaǵy naqty tapsyrmalar berildi. Osy arqyly zamanaýı óndiris talaptary men kásibı sheberliktiń halyqaralyq standarttaryn tereń túsindim.
Taǵylymdama nátıjesinde jınaqtaǵan bilimim men tájirıbemdi Qazaqstandaǵy tehnıkalyq jáne kásiptik bilim berý júıesine engizý – basty maqsatym. Industry 4.0 qaǵıdattaryn oqý prosesine engizý, sondaı-aq óndiristik oqytýda zamanaýı tehnologıalardy paıdalaný – stýdentterdiń halyqaralyq talaptarǵa saı maman retinde qalyptasýyna yqpal etedi. Sonymen qatar, óndiristik mekemelermen tyǵyz baılanys ornatý arqyly dýaldi oqytý júıesin jańa deńgeıge kóterýge múmkindik bar.
Taǵylymdama nátıjesinde aıqyndalǵan baǵyttar:
- Oqý baǵdarlamalaryn jańartý
Industry 4.0 tehnologıalaryn qamtıtyn arnaıy oqý modýlderin ázirleý qajet (avtomattandyrý, sıfrlyq óndiris, jasandy ıntellekt negizderi). - Praktıkalyq oqytý ádisterin damytý
Stýdentterge arnalǵan praktıkalyq sabaqtarda aqyldy sensorlar men óndiristik robottardy qoldanýdy úıretý – basty talap. - Óndiris oryndarymen áriptestik ornatý
Dýaldi oqytý aıasynda kásiporyndarmen baılanys ornatyp, stýdentterdiń óndiristik ortada tájirıbe jınaýyna jol ashý.
Bul baǵyttar tehnıkalyq mamandyqtar boıynsha bilim berýdi qazirgi zaman talabyna saı etip, túlekterdiń eńbek naryǵynda básekege qabilettiligin arttyrady.