Batys Qazaqstan oblysynyń Báıterek aýdanyndaǵy Qushym aýylynda turǵyn úı órtenip, saldarynan eki adam qaza tapty, dep habarlaıdy Aqshamnews.kz tilshisi.
BQO TJD málimetinshe, órt týraly habar 2026 jylǵy 7 qańtarda saǵat 20:11-de jedel qyzmetterge túsken. Oqıǵa ornyna qutqarýshylar jetken kezde tilsiz jaý úıdiń shatyry men ishindegi turmystyq zattardy sharpyǵan. Órttiń jalpy aýmaǵy shamamen 50 sharshy metrdi qurady.
Qaıǵyly jaǵdaı boıynsha, órt sóndirýshiler kelmeı turyp polısıa qyzmetkerleri úıden eki adamnyń máıitin taýyp, olardy janyp jatqan ǵımarattan syrtqa shyǵarǵan.
Qazir órttiń shyǵý sebepteri anyqtalyp jatyr. Oqıǵaǵa baılanysty órt-tehnıkalyq saraptama taǵaıyndalyp, mamandar barlyq mán-jaıdy tekserip jatyr.