Búgín, 9 qańtarda Almatyda qazaqstandyq akter Mūrat Bısenbındí aqtyq saparǵa shyǵaryp salu rásímí óttí. Rásím barysynda óner ıesíníń ákesí Bolat ūlynyń sońǵy kúnderí turaly kózíne jas alyp aıtyp berdí, - dep habarlaıdy aqshamnews.kz tílshísí.
"Auyrǵanyna bír jarym jyl boldy. Bashqūrtstanǵa da baryp emdeldí. Būǵan deıín "jaman auruǵa" qarsy tūru kerek, kúresu kerek dep júretín. Bíraq keıíngí kezde qatty qınalyp kettí. Jarty aı būryn ınsult aldy. Ortalyqta 11 kún jatty. Keıíngí kezderí tamaq ta íshe almaı qaldy. 8 qańtarda tańǵy saǵat 8-de habarlastym. Sol kezde "Mūratty ketíp qaldy" degen qaraly habar keldí", - dedí ol.
Bolat Bısenbın balasynyń qazasy ata-ana úshín orny tolmas auyr qaıǵy ekenín aıtyp, Mūrattyń ómír saltyn da eske aldy.
"Balańnyń ólímín kóru - eń auyr. Ol mení jerleuí kerek edí, bíraq bárí kerísínshe boldy… Íshpeıtín, shekpeıtín, sportpen shūǵyldanatyn. Qandaı akter bolǵanyn halyq bíledí ǵoı", - dedí ákesí kózíne jas alyp.
Mūrat Bısenbınmen qoshtasuǵa kelgenderdíń arasynda qazaqstandyq kınonyń belgílí tūlǵalary - Asan Májıt, Erden Telemísov, Berík Aıtjanov, Jan Baıjanbaev, Edíl Anarbaı, Sanūrjan Súleımenov, Oljas Toǵymbet jáne basqa da tanymal akterler boldy.
Jınalǵan jūrt marqūmnyń otbasy men jaqyndaryna qaıǵyryp kóńíl aıtyp, Mūrat Bısenbınníń ónerdegí eńbegí men adamdyq bolmysyn eske aldy.
Mūrat Bısembın 1972 jyly 11 qazanda Qyzylordada tuǵan. Aldymen polıtehnıkalyq ınstıtutty auyl sharuashylyǵynyń ınjener-mehanıgí mamandyǵy boıynsha támamdaǵanymen, keıín akterlík joldy tańdaǵan. Óner ıesí otbasyly, úsh balanyń ákesí bolǵan.
Redaktsıya óner ıesíníń otbasy men jaqyndaryna qaıǵyra kóńíl aıtady.