8 baǵdarsham ornatylady.
Bostandyq aýdanynyń ákimi Sanjar Alın qaı kóshelerdiń jóndelgenin, taǵy qaı jerlerdiń jaqsartylatynyn aıtty, dep habarlaıdy Almaty-akshamy.kz
«Ortalyqsyzdandyrý aıasynda aýdanda 98 kóshege aǵymdaǵy jóndeý júrgizildi, onda jol jabyny tóseldi, 330 dana lúkter men jańbyrqabyldaǵyshtar kóterildi. Sondaı - aq, jıekter men jıektastar tazartylyp, 9 320,05 m2 alańǵa brýschatka tóselip, 5 qalqymaly lúk ornatyldy», - dep bólisti S.Alın.
Budan basqa, 8 baǵdarsham obektisin ornatý josparlanýda. Onyń ishinde tórt baǵdarsham: Gagarın-Berezovskıı, Rozybakıev-Berezovskıı, Rozybakıev-Hodjanov, Jarokov-Sı Sınhaı, qalǵandary Áýezov-Óztúrik, Sadyqov-Roza alqaby, Jandosov kóshesinen ońtústikke qaraı Manas, QazUÝ boıynsha shaqyrý túımesi bar retteletin jaıaý júrginshiler ótkelderinde ornatylady.
Sanjar Alın 2023 jyldyń sáýir aıynan bastap syrtqy jaryqtandyrý jelilerin ustaý jáne salý boıynsha fýnksıalar aýdan ákimdikterine berilgenin eske saldy. Osyǵan baılanysty 48 kóshe men ótpe joldarda uzyndyǵy 19,7 km 608 dana jaryq núkteleri men 594 dana tirek ornatylady.
Bostandyq aýdanynda uzyndyǵy - 659,63 km 23 388 jaryq núktesi ornatyldy, onyń ishinde 7 546-sy aýlaishilik.