Bostandyq aýdanynyń ákimi mektepter men balabaqshalar salý arqyly qalalyq ortanyń jaılylyǵyn arttyrýdy usynady
Almatynyń Bostandyq aýdanynda mektepter men balabaqshalar qurylysy, sondaı-aq jalpy bilim berý uıymdaryn kúrdeli jóndeý jalǵasýda. Bul týraly ÓKQ brıfıńinde aýdan ákimi Sanjar Alın málimdedi, dep habarlaıdy almaty-akshamy.kz.
Belgili bolǵandaı, búgingi tańda oqýshy ornynyń tapshylyǵy 3679 oryndy quraıdy.
«Aýdan boıynsha mektepterde oryn tapshylyǵy problemalaryn sheshý úshin 8000 oryndyq 5 jańa mektep salý josparlanǵan», - dedi S.Alın.
«Jaıly mektep» ulttyq jobasy aıasynda úsh mektep salý josparlanýda: Egizbaev,9 mekenjaıy boıynsha 2500 oryndyq mektep, Rozybakıev – Levıtan kósheleriniń qıylysynda 1500 oryndyq jáne Rozybakıev-Qojabekov qıylysynda 2000 balaǵa arnalǵan mektep.
Áleýmettik jaýapkershilik sheńberinde «RAMS Qazaqstan» Qurylys kompanıasy «RAMS Sıtı» KPTK aýmaǵynda 2024 jyldyń sońyna deıin 2025 jyldyń 2 toqsanyna deıin 1100 oryndyq mektep jáne 240 oryndyq (árqaısysy 120 oryndyq) 2 balabaqsha salatyn bolady.
«ADK» SO aýdanynda «BAZIS» qurylys kompanıasy áleýmettik jaýapkershilik sheńberinde qyrkúıek aıynan bastap 900 oryndyq mektep salý úshin «Konkrıt prodakshn» JSHS zaýytyn buzýda.
«Bazis-A» kompanıasy 300 oqýshyǵa arnap № 65 mektepke qosymsha qurylys salýdy aıaqtady. Sondaı-aq, sóıleý qabileti nashar balalarǵa arnalǵan №9 arnaıy túzetý mektep-ınternatynda 120 oryndyq tamaq jáne oqý blogynyń qurylysy aıaqtaldy. Sondaı-aq, Orbıta-3. sh / a №145 mektep ǵımaratyn qalpyna keltirý jumystarymen jáne kúrdeli jóndeýmen seısmıkalyq kúsheıtý aıaqtalýda.
Bostandyq aýdanynyń ákimi mektepke deıingi bilim berý salasyndaǵy ahýal týraly baıandady. Bıyl qosymsha 603 oryndyq 15 jekemenshik balabaqsha ashyldy. Aýdanda barlyǵy 31 memlekettik jáne 73 jekemenshik balabaqsha jumys isteıdi.
«Akvarel» TK-de 300 oryndyq №189 balabaqsha paıdalanýǵa berildi. Sondaı-aq, «Orbıta-3» sh/a burynǵy №1 balalar úıiniń ǵımaratyn 480 oryndyq balabaqsha qylyp qaıta qurý týraly sheshim qabyldandy.
Naýaı kóshesindegi №113 bóbekjaı ǵımaratyn seısmıkalyq kúsheıte otyryp,qalpyna keltirý jumystary men kúrdeli jóndeý aıaqtalady.