Almaty turǵyndary óz aýlalaryn qalaı jabdyqtaýdy, ıaǵnı, qoǵamdyq keńistikti ózgertý, sport alańyn ornatý nemese asfált tóseýdi ózderi tańdaıdy.
Qala turǵyndarynyń shyǵarmashylyǵyna arnalǵan keńistik aıtarlyqtaı úlken. Mysaly, Almaty qalasynyń Bostandyq aýdany turǵyndarynyń 2023 jyly 800 mıllıon teńgege 17 jobasyn maquldady.
«Halyq qatysatyn búdjet» baǵdarlamasy týraly Óńirlik komýnıkasıalar qyzmetiniń brıfıńinde aýdan ákimi Sanjar Alın keńirek aıtyp berdi, dep habarlaıdy Almaty-akshamy.kz.
Ol aýla aýmaqtarynyń ózgergeni týraly aıtty. Aıta keteıik, aýdanda 670 aýla bar. Bıyl 80 aýla aýmaǵynda kúrdeli jóndeý jumystary aıaqtaldy.
2023 jyly 4 qoǵamdyq keńistikke, 10 sport jáne balalar alańyna jóndeý jumystaryn júrgizý kózdelgen. Olar boıynsha qazirgi ýaqytta qurylys jumystary aıaqtalyp keledi (aıaqtalý merzimi – bıylǵy qarasha aıynyń sońy).
12 jerasty jáne 7 jer ústi jaıaý júrginshiler ótkeline aǵymdaǵy jóndeý jumystary júrgizilýde. (jumystyń aıaqtalý merzimi bıylǵy 30 qarasha).
Josparlanǵan 55,2 km aryq jelilerin rekonstrýksıalaýdyń búgingi kúni 22 shaqyrymy aıaqtaldy. aryq jelilerin rekonstrýksıalaý boıynsha jumystar jalǵasýda (jumystardy aıaqtaý merzimi 2024 jyl).
Aýdan aýmaǵynda 19 konteınerlik alańdy kúrdeli jóndeý jáne salý jumystary júrgizildi.
98 konteınerlik alańdy kúrdeli jóndeýge jobalyq-smetalyq qujattama ázirlendi. Qurylys – montaj jumystary 2024-2025 jyldarǵa josparlanǵan.
«2024 jyly Tuńǵysh Prezıdent saıabaǵyn» «Pekın olımpıadashylary-2008» skverimen qamtı otyryp, Atakent, Iýjnyı parkterin, Úlken Almaty jáne Esentaı ózeniniń jaǵalaýyn, QazMemSırk, qalalyq ákimdik, Baıseıitova mańyndaǵy sýburqaqtardy úrdeli jóndeý josparlanǵan», - dedi Sanjar Alın.
Abaı dańǵyly men Gagarın dańǵylynyń qıylysynda 1 ga jer ýchaskesin abattandyrý jumystary bastaldy. Abattandyrý aıasynda balalar, fýtbol, basketbol jáne kónkı alańdaryn, ıtterdi serýendetýge arnalǵan alańdy, oryndyqtar, ýrnalar ornatylatyn demalys aımaǵyn salý josparlanýda, qosymsha sýarý júıesi bar jasyl jelekter otyrǵyzylatyn bolady. (Jumystyń josparlanǵan aıaqtalý merzimi 2024 jyldyń tamyzy).
Sondaı-aq, 2024 jyly «Halyq qatysatyn búdjet» baǵdarlamasy boıynsha 32 jobany iske asyrý josparlanyp otyr, onyń ishinde Gagarın býlvarynyń jóndeý jumystary jáne osy dańǵyl boıynda turaq oryndaryn ornatý kózdelgen.