Almaty qalasynyń Bostandyq aýdany turǵyndarynyń ýaqtyly medısınalyq kómekke degen qajettiligin qamtamasyz etý úshin jyl saıyn kóbirek emhanalar salynýda. Áleýmettik nysandar týraly aqparatty Bostandyq aýdanynyń ákimi Sanjar Alın Óńirlik komýnıkasıalar qyzmetiniń brıfıńinde aıtty, dep habarlaıdy almaty-akshamy.kz.
Medısınalyq mekemelerge júktemeni azaıtý maqsatynda aǵymdaǵy jyly 5 densaýlyq saqtaý nysanyn salý, rekonstrýksıalaý jáne kúrdeli jóndeý josparlanǵan.
Medısınalyq mekemelerge júktemeni azaıtý maqsatynda árqaısysy 500 oryndyq eki jańa emhana salý josparlanǵan. Ál-Farabı dańǵyly men Syrǵabekov kóshesiniń qıylysyndaǵy alǵashqy emhana úshin jobalaý-smetalyq qujattamany ázirleý 2023 jylǵy aqpanda bastaldy. Memlekettik saraptama jyl sońyna deıin beriledi kútiledi.
Ekinshi emhana Gagarın dańǵyly men Levıtan kóshesiniń qıylysynda ornalasady. JSQ naýryzda bastalǵan, memlekettik saraptamany bıylǵy jyl sońyna deıin berý josaprlanǵan.
Qoldanystaǵy №4 (Orbıta - 2 balalar bólimshesiniń ǵımaraty) jáne №12 eki emhanaǵa kúrdeli jóndeý júrgiziledi dep kútilýde. Qurylys-montaj jumystaryn 2024 jyldyń birinshi toqsanynda bastaý josparlanýda.
Densaýlyq saqtaý obektilerin salý boıynsha 2020-2024 jyldarǵa arnalǵan «Jańa Almaty» keshendi josparyn iske asyrý sheńberinde «Balalarǵa shuǵyl medısınalyq kómek kórsetý ortalyǵynyń» operasıalyq blogy bar qabyldaý bólimshesiniń korpýsynyń qurylysy júrgizilýde (2021 j. tamyz-2023 j. jeltoqsan).