Másele bir aı buryn qalalyq kóshi-qon qyzmetine kómek surap júgingen 51 jastaǵy Sergeı Chaıkın týraly bolyp otyr.
«Ol bizge basynan ótken oqıǵany aıtyp, 1996 jyly qatty soqqyǵa jyǵylǵan kezde eski tólqujatyn joǵaltyp alǵanyn málimdedi. Osy ýaqyt boıy er adam qıyn ómirlik jaǵdaıda boldy, kez kelgen jumystardy jasady. Bir aıdyń ishinde jeke kýáligin rásimdep, tabystadyq», – dedi kóshi-qon qyzmeti basqarmasynyń bólim bastyǵy Janna Jaqypbaeva.
«Men Almaty qalasynda dúnıege keldim, ómir boıy osynda turdym. 90-jyldary men óte qıyn ómirlik jaǵdaıǵa tap boldym. Qyzyl tólqujatymdy joǵalttym, páterimnen, jumysymnan aıyryldym. Kún kórissiz qaldym. Uzaq ýaqyt boıy men qujattardy jınaýǵa tyrystym, biraq densaýlyǵyma baılanysty qolymnan eshteńe kelmeı júrdi. Almaty qalasynyń kóshi-qon polısıasyna júgingenimde, qajetti qujattardy jınap, bir aıdyń ishinde rásimdeýge kómektesti, aqyry kópten kútken qujat – jeke kýálikti aldym. Almaty qalalyq kóshi-qon polısıasynyń qyzmetkerlerine alǵysym sheksiz», – dep rızashylyǵyn bildirdi Sergeı Chaıkın.