Fınlándıanyń Lahtı qalasynda ótken bochchadan halyqaralyq jarysta otandasymyz Qýanysh Asqarbekov qola medal oljalap, baıraqty básekede júlde alǵan alǵashqy qazaqstandyq sportshy atandy, dep habarlaıdy almaty-akshamy.kz.
Sondaı-aq ulttyq qurama qorjynyna komandalyq saıysta óner kórsetken Itıana Shyńǵysqanova, Aleksandr Qurmantaev jáne Qýanysh Asqarbekov taǵy bir qola júldeni saldy. Sonymen qatar jekeleı synda baq synaǵan Itıana Shyńǵysqanova – tórtinshi, Merýert Tilebaldy – besinshi, Baljan Bólekpaeva – altynshy, Temirlan Altynsary segizinshi oryndy ıelendi. Al juptyq saıysta baq synaǵan Temirlan Altynsary men Arýjan Jeńis juby altynshy orynǵa turaqtady. Aıta keteıik, 27-31 mamyr kúnderi Astanada bochchadan Qazaqstan chempıonaty ótedi.