«Keden» júıesi ýaqytsha saqtaý qoımalarynyń ıelerin reestrge tirkeýdi jeńildetpek
2025 jylǵy 10 aqpannan bastap zańdy tulǵalar ýaqytsha saqtaý qoımalarynyń (ÝSQ) ıeleriniń reestrine tirkelý úshin «Keden» platformasy arqyly elektrondy ádispen ótinish bere alady. Bul bastama Memlekettik kirister komıtetimen baılanysty jeńildetip qana qoımaı, jumysty da jedeldetip, barynsha ashyq etpek ony. Óńirlik komýnıkasıalar qyzmetinde ótken pres-konferensıada Almatynyń MKD taýarlardy kedendik rásimdeýdi baqylaý bóliminiń basshysy Serikjan Ahmetjanov osylaı dep habarlady.
«Keden» júıesiniń aqparattyq portaly syrtqy ekonomıkalyq qatynastardy sıfrlandyratyn mańyzdy quralǵa aınalyp otyr. ÝSQ ıeleriniń reestrine tirkeletin ótinishti elektrondy túrde berýdi mindettegeli beri bul jumys yqshamdalyp, jeńildep qalǵan.
Ýaqytsha saqtaý qoımasy - taýar aınalymǵa engenge deıin nemese basqa da kedendik rásimdeýge deıin kedendik baqylaýda ustalatyn (saqtalatyn) oryn. ÝSQ ıesiniń mártebesin alý úshin kásiporyn Memlekettik kirister komıtetine qaraıtyn tıisti reestrge tirkelýi qajet.
«Keden» júıesin qoldanýshylar ońaı ótinish beretin boldy endi. Ol úshin jeke kabınetke kirip, elektrondy ádispen sıfrly qol qoıyp, qajetti qyzmetti tańdap alyp, ótinish toltyryp, sosyn kerek qujattardy tirkese boldy. Mindetti qujattarǵa mynalar kiredi: menshik ıesi ekenin kýálandyratyn nemese jalǵa alǵanyn dáleldeıtin qujaty, qoımanyń sqemasy men josparyn, qaraýyly baryn, vıdeo baqylaýy bar ekenin kórsetetin qujatty jáne basqa da tehnıkalyq qujattaryn tirkeýi tıis. Ótinishti bergen ýaqyt men statýsyn onlaında kóre alasyz. Bul ótinish bergen jerge barmaı-aq qujat toltyryp, ýaqyt únemdeýge múmkindik beredi.
«Keden» júıesin engizýdiń eń basty artyqshylyǵy – jumys barysy ashyq bolyp, qujatty qaraıtyn ýaqytty qysqartyp, adam yqpalyn azaıtady. Sebebi bári avtomatty túrde iske asady endi. Laýazym ıesimen betpe-bet jolyqpaıtyn bolǵandyqtan, bul jemqorlyqtyń da jolyn kespek.
ÝSQ ıegeriniń mártebesin alǵan adam taýaryn kedendik baqylaý júıesinde saqtap, logıstıkaǵa da aralasa alady. Bul, ásirese, qoıma ustaıtyn kompanıalarǵa, kólik-logıstıka operatorlary men iri ımporterlerge óte tıimdi.
«Keden» júıesi memleketti sıfrlandyrýdy kózdeıtin, «qaǵazbasty ekonomıkadan» qutylýdy josparlaǵan úlken strategıanyń bir bóligi ǵana. Mundaı bastama memlekettik organdardyń jumysyn jeńildetip qana qoımaı, ony túsinikti ári qaýipsiz ete túspek bızneske. Bul naryqtyń barlyq múshesine birdeı múmkindik berip, ákimshilik júktemeni de azaıtady.
Qoryta aıtqanda, ÝSQ ıeleriniń reestirine «Keden» júıesi arqyly elektrondy túrde tirkelý – sıfrlyq memleketti damytýdyń alǵysharty. Bul memlekettik qatynasqa degen senimdi kúsheıtip, bıznesti júrgizýdiń tıimdiligin arttyratyn osy zamanǵy ozyq tehnologıa. Ótinishti tezdetip tapsyrǵyńyz kelse qujattaryńyzdy kúni buryn ázirlep alyp, olardyń reestrge tirkelý tártibi jazǵylǵan zańnyń talabyna saı keletinin taǵy bir tekserip alǵanyńyz jón.
Mundaı jańalyq kásipkerlerge qolaıly bolyp, olardyń memlekettik organdarmen ashyq ári yńǵaıly jumys isteýine múmkindik bermek.