QR Mádenıet jáne sport mınıstri Dáýren Abaev «Kazakh Tourism» Ulttyq kompanıasy» aksıonerlik qoǵamyna barǵanda osylaı dedi.
Mınıstrliktiń baspasóz qyzmetinen málim etkendeı, kompanıa tóraǵasy Talǵat Amanbaev uıym jumysynyń negizgi baǵyty, týrızm salasyn damytýdyń aspektileri jáne bolashaqqa josparlary týraly aıtyp berdi, dep habarlaıdy Almaty-akshamy.kz
Kezdesýde Dáýren Abaev elimizdiń rekreasıalyq, týrısik áleýetin arttyrý isinde kompanıaǵa erekshe jaýapkershilik júkteletinin atap ótti.
«Bizdiń maqsatymyz – álemge Qazaqstannyń kórikti jerlerin ǵana kórsetý emes ekendigin túsinýimiz qajet. Sonymen qatar biz halyqaralyq ınvestorlarmen yntymaqtasýǵa, ınfraqurylymdy damytýǵa jáne Qazaqstan týraly tolyǵyraq bilgisi keletin barlyq adamdar úshin tıisti jaǵdaı jasaıtyn, óz mindettemelerin qatań oryndaýǵa daıyn ashyq memleketti usynýǵa tıispiz. Bul el ekonomıkasyna týrısik salanyń úlesin arttyrýǵa jáne onyń sheteldegi oń ımıjin nyǵaıtýǵa múmkindik beredi», - dedi Dáýren Abaev.
Sondaı-aq mınıstr búginde memleket týrısik baǵyttardyń ınfraqurylymyn sapaly jańartýǵa eleýli ınvestısıalar salyp jatqanyn, elge týrıserdi tartý úshin, Qazaqstannyń týrısik salasyn damytýǵa qarajat salýǵa daıyn ınvestorlar úshin túrli jeńildikter men preferensıalar usynylyp otyrǵanyn aıtty. Sóz sońynda Dáýren Abaev týrızm salasy men Kazakh Tourism kompanıasynyń aldynda turǵan birqatar mindetterdi atap ótti.