19 qańtar kúni saǵat 16.15-ten bastap Almaty qalasynda qar jaýa bastady. Saǵat 21.00-de qalanyń joǵarǵy bóliginde 6-8 sm qar jaýdy, dep habarlaıdy Almaty-akshamy.kz
Kóktaıǵaq qubylystarynyń aldyn alý maqsatynda qar jaýa salysymen, joldarǵa kóktaıǵaqqa qarsy materıaldar sebiledi. 1100 tonna paıdalanyldy.
Taýly jáne taý bókterindegi jerlerde, sondaı-aq negizgi magıstraldy kóshelerde qar kúreý jumystary júrgiziledi.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, kópshilik paıdalanatyn oryndardy tazalaý boıynsha jumystar uıymdastyryldy.
Túngi ýaqytta 208 qumshashqysh tehnıka jáne 338 jol jumysshysy shyǵyp, barlyǵy 535 birlikti quraıdy.
Aýdan ákimdikteri men qala ákimdiginde qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
"Qazgıdromettiń" boljamy boıynsha aralas jaýyn-shashyn 20 qańtarda túske taman aıaqtalady dep kútilýde. Aýa temperatýrasy búgin túnde 0, -2 gradýs, 20 qańtarda kúndiz +1, +3 gradýs jyly bolady.