Mınıstrliktiń málimetinshe, jastardyń muǵalim bolýǵa yntasy artqan, dep habarlaıdy aqshamnews.kz
2025-2026 oqý jylynda qazaqstandyq bilim berý uıymdaryna 10 myńnan astam jas pedagog jumysqa qabyldandy. Bul týraly oqý-aǵartý mınıstrligi jazdy.
Keshendi sharalardyń nátıjesinde jastardyń muǵalim bolýǵa yntasy artqan. Pedagog mamandyǵy boıynsha oqyp jatqan stýdentterdiń shákirtaqysy sońǵy bes jylda 2 ese kóbeıip, jańa oqý jylynan bastap 84 myń teńgeni qurady.
"Bıyl 2 myńnan astam úzdik túlek ustaz mamandyǵyn tańdaǵan. Bul – osy jyly oqý bitirgen "Altyn belgi" ıegerleriniń 23 paıyzǵa jýyǵy", - deıdi mınıstrlik.
Jas pedagogterdi qoldaý maqsatynda pedagog-tálimgerler men pedagogıkalyq qyzmetin jańa bastaıtyn jas mamandar úshin arnaıy bilim berý kýrstarynyń baǵdarlamalary men ádistemelikteri ázirlengen.
Odan bólek aýylǵa bilikti kadrlardy tartý maqsatynda "Dıplommen aýylǵa" baǵdarlamasy turaqty júzege asyrylyp keledi.