28 jastaǵy Fransıa quramasynyń shabýylshysy Ýsman Dembele bıylǵy «Altyn dop» ıegeri atandy, dep habarlaıdy aqshamnews.kz
Ótken maýsymda ol el birinshiliginde, ulttyq kýbokta jáne Chempıondar lıgasynda jeńis tuǵyrynan kóringen edi.
Kúmis júlde «Barselona» men Ispanıa quramasynyń 18 jastaǵy jas daryndy oıynshysy Lamın Iamalǵa buıyrdy. Jankúıerlerdiń basym bóligi dál osy fýtbolshyny favorıt sanaǵan bolatyn.
Osylaısha, Ýsman Dembele tarıhta «Altyn dopty» ıelengen altynshy fransýz oıynshysy retinde tirkeldi.
Eske sala keteıik, «Altyn dop» fýtbol álemindegi eń bedeldi jeke marapat sanalady.