Toqaev arnaıy ótkízílgen dóńgelek ústel barysynda eldegí reforma men bıznes úshín jasalyp jatqan jaǵdaıdy bayandap berdí. Sondaı-aq senímdí túrde qaı salaǵa qarajat qūyuǵa bolatynyn aıtty.
«Elímízdíń energetıkalyq strategıyasy tórt komponentke: mūnaı, gaz, kómír jáne uranǵa negízdelgen. Bíz osy qaǵıdatty berík ūstanamyz», – dedí Memleket basshysy.
Prezıdent Qazaqstan energetıkalyq resurstaryn eksporttau baǵyttaryn ártaraptandyrudy kózdeıtínín jetkízdí. Būdan bólek mańyzdy shıkízat materıaldaryn ıgerudí basym baǵyt retínde qarastyratynyn aıtty. Qazaqstanda mys, volfram, qorǵasyn, myrysh, lıtıı, grafıt jáne joǵary tehnologıyaǵa asa qajettí basqa da paıdaly qazbalardyń mol qory bar ekenín eske saldy.
Memleket basshysy Boeing kompanıyasymen yntymaqtastyqty keńeıtuge jáne tayau jyldary jańa ūshaqtar aluǵa nıettí ekenín bíldírdí.
Amerıkalyq kompanıyalardy Qazaqstannyń auyl sharuashylyǵy áleuetín barynsha paıdalanuǵa shaqyrdy.
Qasym-Jomart Toqaev aldaǵy úsh jylda Qazaqstandy tolyq tsıfrlyq memleketke jáne tsıfrlyq transformatsıya men jasandy ıntellekt salasynda Eurazıyada kósh bastaıtyn ÍT-habqa aınaldyru josparymen bólístí.
– Qazaqstan geografıyalyq tūrǵydan sezímtal aımaqta ornalasqan. Bíz ózímízdíń strategıyalyq maqsatymyzdan, sonyń íshínde AQSh-pen tyǵyz yntymaqtastyq jasau nıetímízden aınymaımyz. Óıtkení AQSh bízdíń táuelsízdígímízdí álemdegí alǵashqy elderdíń bírí bolyp moıyndady jáne árdaıym Qazaqstannyń egemendígí men aumaqtyq tūtastyǵyn qoldap keledí. Halqymyz Amerıkanyń būl ūstanymyn shynaıy qūrmetteıdí. Elímízde júrgízílíp jatqan auqymdy sayası-ekonomıkalyq reformalar, ashyq jáne ınvestıtsıyaǵa qolaıly sayasat júrgízu ūstanymy amerıkalyq kompanıyalardyń Qazaqstanda alańsyz bıznes júrgízuíne kepíldík beredí árí olardyń senímdí, ūzaq merzímdí seríktes boluyna múmkíndík jasaıdy, – dedí Qasym-Jomart Toqaev.