Almaty PD-ti bıyl 29 almatylyqtyń ata-ana quqyǵynan aıyrylǵanyn málimdedi dep habarlaıdy almaty-akshamy.kz
Kámeletke tolmaǵandar arasyndaǵy quqyq buzýshylyqtyń aldyn alýdyń negizgi tetikteriniń biri – qala jáne aýdan ákimdikteri janyndaǵy kámeletke tolmaǵandar isteri men olardyń quqyqtaryn qorǵaý jónindegi vedomstvoaralyq komısıalarmen ózara is-qımyl jasaý.
Jyl basynan beri komısıalardyń otyrystarynda kámeletke tolmaǵandardyń múddesine qatysty túrli faktiler boıynsha 297 materıal qaraldy. Nátıjesinde, 29 almatylyqqa ata-ana quqyǵynan aıyrý túrindegi shekten tys shara qoldanyldy, 2 255 ata-ana bala tárbıeleý jónindegi mindetterdi tıisinshe oryndamaǵany úshin ákimshilik jaýapkershilikke tartyldy. 12 jasóspirim devıantty minez-qulyqtaǵy balalarǵa arnalǵan arnaıy bilim berý uıymyna, bir kámeletke tolmaǵan jasóspirim erekshe rejımdegi arnaıy bilim berý uıymyna jiberildi, – dedi Almaty qalalyq PD Jergilikti polısıa qyzmeti basqarmasynyń bastyǵy Manap Sattarov.