2024 jyly Qazaqstandaǵy azamattardyń bankter aldyndaǵy qaryzy 22,2%-ǵa ósip, jalpy kólemi 34,9 trıllıon teńgeni qurady. Bul kórsetkish qarjy júıesindegi aıtarlyqtaı ózgerister men turaqsyzdyqty kórsetedi, sol sebepti ekonomıser men qarjygerler osy máseleni sheshý úshin jańa sharalardy qolǵa alýǵa qajettilik týyndaǵanyn atap ótti, dep habarlaıdy aqshamnews.kz
Qazaqstannyń qarjy naryǵyndaǵy turaqtylyqty qamtamasyz etý jáne azamattardyń qaryz júktemesin azaıtý maqsatynda, 2025 jyldyń 1 qańtarynan bastap birqatar jańa erejeler engiziledi. Bul erejelerdiń basty maqsaty — qaryz alýshylardyń jaýapkershiligin arttyryp, bankter men qarjy uıymdarynyń qaryzdardy berý sharttaryn qaıta qaraý.
Bıometrıalyq sáıkestendirý jáne ESQ Onlaın mıkroqaryzdardy rásimdeý kezinde bıometrıalyq sáıkestendirý men elektrondyq sıfrlyq qoltańbany (ESQ) bir mezgilde paıdalaný mindetteledi.
Jubaıdyń kelisimi Bankter men mıkroqarjy uıymdaryna jeke tulǵalarǵa jubaıynyń kelisiminsiz nesıe berýine tyıym salynady.
Syıaqy esepteýge shekteý Qaryz merzimi 90 kúnnen asqanda barlyq tutynýshylyq kredıtterge syıaqy esepteýge tyıym engiziledi.
Áskerı qyzmetkerler úshin qoldaý Áskerı qyzmet kezinde jáne qyzmetten keıingi 2 aı ishinde nesıeler boıynsha syıaqy esepteýge tyıym salynyp, merzimdi keıinge qaldyrý usynylady.
Áleýmettik qorǵaý Jalǵyz baspanasy bar otbasylardy, sondaı-aq múgedektigi bar adamdardy jylytý maýsymynda úıinen shyǵarý tyıym salynady. Qaryz alýshy shotyndaǵy 2 eń tómengi kúnkóris deńgeıinen aspaıtyn qarajatty óndirip alýǵa tyıym engiziledi.
Ombýdsmenderdiń ókilettikteri Bank ombýdsmeniniń daýlardy sheshýdegi róli kúsheıtiledi, mıkroqarjy ombýdsmen ınstıtýty engiziledi.
Daýlardy tórelik sotqa jiberýge shekteý Bankter, MQU jáne kolektorlar arasyndaǵy daýlardy tórelik sot arqyly qaraýǵa tyıym salynady.
Qarastyrylyp jatqan jańa bastamalar:
Qaryz alýshylardyń ótinishterin qaraý merzimi – 15 kúnnen aspaýy tıis.
Bankter men MQU keıbir negizder boıynsha qaryzdardy 3 aıǵa keıinge qaldyrýǵa mindettelýi múmkin.
Múgedektigi bar adamdarǵa qyzmet kórsetý prosedýralaryn jeńildetý josparlanýda.
Qarjy ónimderiniń standarttaryn belgileý quqyǵy Agenttikke beriledi.