2024 jyly Qostanaı oblysynda «KAMAZ» JAQ-men birlesip qozǵaltqysh bólshekteri men kópirlerdiń shoıynnan quıylǵan detaldaryn óndiretin zaýyt iske qosylady. Bul jóninde IIDM ındýstrıalyq damý komıteti tóraǵasynyń orynbasary Oljas Saparbekov málimdedi, dep habarlaıdy Almaty-akshamy.kz Elorda.info-ǵa silteme jasap.
«Otandyq óndirýshiler 2022 jyly shamamen 109 myń birlik jeńil avtokólik óndirýdi josparlap otyr. Avtokólikti lokalızasıalaý máselesine keletin bolsaq, ótken 10 jylda kásiporyndar iri jáne usaq torapty qurastyrýdy úırendi. Qazir Qazaqstan boıynsha avtoónerkásip salasy jergilikti avtopromnyń 33 paıyzyn quraıdy. Al keı modelder boıynsha 50 paıyzǵa deıin jetedi», – dedi Oljas Saparbekov.
Munymen qatar, Komıtet ókili Qazaqstannyń quramdas bólikter óndirisin damytý boıynsha qosymsha mindettemeleri bar jańa kezeńge kóship jatqanyn aıtty.
«Mysaly, avtoónerkásip pen aýyl sharýashylyǵy mashınasyn jasaýda akýmýlátor, alúmını dıski, plasıkalyq bólshek, destelegish, sý jáne maı sorǵysy, motor asty ramasy, maı, otandyq óndiristiń súzgileri tehnıkaǵa ornatylǵan. Budan ózge, 2021 jyldyń naýryz aıynda "Agromashholdıng KZ" AQ bazasynda avtomobılder men aýyl sharýashylyǵy mashınalaryn jasaýǵa arnalǵan komponentterdi óndirý boıynsha Qostanaı qalasynda oqshaýlaý ortalyǵy iske qosyldy», – dedi Komıtet ókili.
Sondaı-aq, Oljas Saparbekov 2024 jyly Qostanaı oblysynda «KAMAZ» JAQ-men birlesip qozǵaltqysh bólshekteri men kópirlerdiń shoıynnan quıylǵan detaldaryn jáne júk kólikteriniń qosalqy bólshekterin óndiretin zaýyttardy iske qosý josparlanyp otyrǵanyn aıtty.
«Komponenttik bazany damytýdyń basqa josparlary bar. Mysaly, rezeńke jáne plasıkalyq ınterer bólshegi, áınek, oryndyq, kabına, dıski, shtamptaý bólshekterin óndirý», – dedi ol.
Munymen qatar, maman jeńildetilgen avtonesıe sharttaryn túsindirip, ony bir adamnyń eki jylda bir ret ala alatynyn aıtty.