Jataqhana tapshylyǵy 55 myń oryndy quraıdy
Bıyl Almatyda stýdentterge arnalǵan 10 jataqhana ashylady. Onyń úsheýi jańadan salynsa, qalǵan jeteýi paıdalaný maqsatyn ózgerte alatyn bıznes ǵımarattar bolady. Bul týraly Ǵylym jáne joǵary bilim mınıstri Saıasat Nurbek málimdedi, dep habarlaıdy Almaty-akshamy.kz Almaty.tv-ge silteme jasap.
Bıyl jataqhana tapshylyǵy 55 myń oryndy quraıdy. Byltyr bul kórsetkish 87 myńǵa jetken edi. Bilim alýǵa kelgen stýdentterdiń turatyn jer tappaı, sandalǵany da ras. Óz kezeginde mınıstr Saıasat Nurbek bilimgerlerge jaǵdaı jasaý úshin kóptegen jumystar júrgizilip jatúanyn aıtty. Sózinshe, stýdenti kóp Almatyda nysandar salý jáne bıznes ortalyqtary men qonaq úılerdi, hostelderdi jataqhanaǵa aınaldyrý jobasy júzege asýda.
– Mınıstrliktiń «Qarjy» ortalyǵymen kelisimi boıynsha jataqhana salýǵa daıyn qurylys kompanıalaryna 230 aılyq eseptik kórsetkish mólsherinde ótemaqy tólenedi. Nysandy qaıta qurýdyń taǵy bir sqemasyn qarastyryp qoıdyq. Kásipkerlerge de jeke ǵımarattardy stýdentter úıi retinde qoldanýǵa bergen tıimdi. Oǵan da qarajat qarastyrylǵan. Meniń oıymsha, bul – oryn tapshylyǵy máselesin jyldam sheshýdiń ońtaıly joly, – dedi QR Ǵylym jáne joǵary bilim mınıstri Saıasat Nurbek
Búginde Almatydaǵy ýnıversıtetterde jalpy 188 myńnan astam stýdent bar. Sonyń 23 myńy respýblıkanyń ózge óńirinen kelgen.
– Almatydaǵy 35 joǵary oqý ornynda jalpy 96 jataqhana bar. Qazir onda 30 myń stýdent turady. Málimetke súıensek, tósek-oryn tapshylyǵy 32 myńdy quraıdy, – dedi Jastar saıasaty basqarmasynyń basshysy Qaıyrjan Meńdiǵalıev.
Almatyda jataqhana qurylysyna qatysty jobalyq keńse de qurylǵan. Onda kásipkerler men oqý oryndarynyń qyzmetkerleri mınıstrlikten nemese ákimdik ókilderinen keńes ala alady. Mamandardyń oıynsha, bul bastamalar jataqhana tapshylyǵy máselesin 2025 jylǵa deıin sheshýge yqpal etedi.