Qala ákimi Baqytjan Saǵyntaev QR Prezıdenti janyndaǵy Ortalyq komýnıkasıalar qyzmetinde ótken baspasóz konferensıasynda habarlaǵandaı, megapolıste mektepke deıingi mekemeler men mektepterdiń qurylysy qarqyndy júrip jatyr, dep habarlaıdy Almaty-akshamy.kz
Qazirgi kezde qalada 1 jastan 6 jasqa deıingi balalardyń 64,2%-y jáne 3 jastan 6 jasqa deıingi balalardyń 90,6%-y mektepke deıingi tárbıemen qamtylǵan. Bul rette 1 jastan 6 jasqa deıingi 41 myńnan astam bala mektepke deıingi uıymdarǵa kezekte tur.
Osy problemany kezeń-kezeńimen sheshý úshin aǵymdaǵy jyly 4 658 oryndyq 72 jekemenshik mektepke deıingi uıym ashyldy. Onyń ishinde 67-de 4 378 orynǵa memlekettik bilim berý tapsyrysy ornalastyrylǵan. Aǵymdaǵy jyldyń sońyna deıin 250 oryndyq taǵy 5 jekemenshik mektepke deıingi uıym ashý josparlanýda.
Bıylǵy jyly jeke menshik balabaqshalarda ornalastyrylatyn memlekettik bilim berý tapsyrysy da ulǵaıtyldy. Búgingi tańda memlekettik tapsyrys 30 460 oryndy 519 jekemenshik balabaqshaǵa ornalastyrylǵan. Qalada 360 oryndy úsh memlekettik balabaqshanyń qurylysy aıaqtaldy. Bul rette, ekeýi Naýryzbaı aýdanyndaǵy Aqjar men Taýsamaly shaǵyn aýdandarynda jáne bireýi Bostandyq aýdanynda salynýda.Túrksib aýdanynda 280 oryndy balabaqsha qurylysy jalǵasýda.
Sonymen qatar, Áýezov aýdanyndaǵy "Aqsaı-4" shaǵynaýdanda 315 oryndy balabaqsha ashý josparlanýda. Ol jaldaý merzimi aıaqtalǵannan keıin qaıtaryldy. Jeltoqsan aıynda balalardy qabyldaý josparlanǵan.
Orta bilim berý salasynda qazirgi kezde Almatyda 291 mektep jumys isteıdi, onyń 207-i memlekettik. Bularda barlyǵy 303 110 oqýshy oqıdy, bul ótken oqý jylymen salystyrǵanda 12 myńnan astam oqýshyǵa artyq. Búginde oqýshy oryndarynyń tapshylyǵy – 33 812.
Osy máseleni sheshý úshin «qadamdyq qoljetimdilik» qaǵıdatyn eskere otyryp, 12 600 orynǵa arnalǵan 8 memlekettik mekteptiń qurylysy júrgizilýde, onyń ishinde 5 100 orynǵa arnalǵan 3 mektep aǵymdaǵy jyldyń jeltoqsan aıynda paıdalanýǵa beriledi.
8 263 oryndyq mektepterde 17 jańa korpýstyń qurylysy jalǵasýda. Bul rette 4 600 oryndyq 11 korpýs boıynsha qurylys-montaj jumystary aıaqtaldy, qalǵan 6 (3 663 oryn) aǵymdaǵy jyldyń sońyna deıin aıaqtalady. Jeke ınvestısıalar esebinen jańa oqý jylynyń basynda 2 656 oryndyq 13 jekemenshik mektep ashyldy.
Aǵymdaǵy jyldyń sońyna deıin osy sharalar esebinen 16 019 jańa oqýshy ornyn qurý jáne oryn tapshylyǵyn 47%-ǵa tómendetý josparlanýda.