Almaty ákimi Baqytjan Saǵyntaev QR Prezıdenti janyndaǵy Ortalyq komýnıkasıalar qyzmetinde ótken baspasóz konferensıasynda keptelister máselesin sheshý jáne jol ınfraqurylymyn jańartý týraly aıtyp berdi, dep habarlaıdy Almaty-akshamy.kz
Bıyl Almatynyń 274 kóshesinde 64,9 km jańa jol salyndy, jyl sońyna qaraı 415 kóshede 108 km jol salynady. Jalpy uzyndyǵy 80 shaqyrymǵa jetken 7 shaqyrym velojol salý jumystary aıaqtaldy.
Jolaıryqtaryn salý boıynsha aýqymdy jumystar júrgizilýde. Aǵymdaǵy jyly Rysqulov dańǵyly men Emsov kóshesiniń qıylysynda jolaıryǵynyń boıymen kólik qozǵalysyn ashý josparlanǵan.
Bıylǵy jyldyń sońynda Abaı dańǵyly boıynsha Momyshuly kóshesinen Alataý kóshesine deıin qozǵalys ashý josparlanýda. Qazirgi kezde Qarǵaly ózeni arqyly ótetin kópirdiń qurylysy júrgizilýde. Barlyq qurylys-montaj jumystaryn tolyq aıaqtaý, sondaı-aq nysandy paıdalanýǵa berý 2022 jyldyń birinshi jartyjyldyǵyna josparlanǵan.
Kólik ınfraqurylymyn odan ári damytý úshine metro jelisi tynysh aýdandar baǵytynda uzartady. Aǵymdaǵy jyly Almaty qalasynda Saryarqa jáne B. Momyshuly stansıalarymen metropolıtenniń birinshi jelisiniń ekinshi kezeginiń ekinshi iske qosý keshenin tehnıkalyq iske qosý josparlanǵan. 2022 jyldyń birinshi jartyjyldyǵynda olardy paıdalanýǵa berý josparlanýda.