QR Prezıdenti janyndaǵy Ortalyq komýnıkasıalar qyzmetinde ótken baspasóz konferensıasynda Almaty ákimi Baqytjan Saǵyntaev qalada aýrýhanalar salynyp, medısınalyq kadrlardyń daıarlanǵany týraly habarlady.
Búgingi tańda densaýlyq saqtaý nysandary boıynsha jabdyqtaý kórsetkishi 91,5%-dy quraıdy, anestezıologıa, reanımasıa jáne qarqyndy terapıa bólimsheleriniń jaraqtandyrylýy 100%-ǵa deıin jetkizildi, dep habarlaıdy Almaty-akshamy.kz
Jedel medısınalyq járdem jumysy jaqsardy. Úsh jańa qosalqy stansıa salyndy. Brıgadalar sany eki esege artty. Avtopark 70%-ǵa jańartyldy.
Tuńǵysh Prezıdent – Elbasy N. Nazarbaevtyń tapsyrmasy boıynsha aǵymdaǵy jáne yqtımal epıdemıologıalyq qaterlerge den qoıý boıynsha eldiń ǵylymı-medısınalyq áleýetin shoǵyrlandyrý maqsatynda Almatyda ınfeksıalyq aýrýlardyń kópbeıindi ǵylymı-zertteý ortalyǵynyń qurylysy bastaldy. Sondaı-aq, 3 emhana, 9 otbasylyq-dárigerlik ambýlatorıa, 2 modýldik KT-ortalyǵynyń qurylysy bastaldy.
Aǵymdaǵy jyly Alataý jáne Naýryzbaı aýdandarynda úsh emhana, 9 otbasylyq-dárigerlik ambýlatorıa, eki modýldi KT-ortalyǵynyń qurylysy bastaldy.
Balalarǵa shuǵyl kómek kórsetý ortalyǵynyń jáne №2 BJKB qosalqy korpýstarynyń qurylysy, pallıatıvtik kómek ortalyǵy bar jańa onkologıalyq ortalyqtyń jáne Medeý aýdanynda kópbeıindi stasıonardyń qurylysy júrgizilýde.
250 tósek-oryndyq balalardy ońaltý ortalyǵyn jáne 50 tósektik erte aralasý ortalyǵyn ornalastyrý úshin burynǵy «Almaty temir jol aýrýhanasyn» qaıta jańartý jáne kúrdeli jóndeý josparlanýda.
Medısına kadrlarynyń tapshylyǵyn tómendetý úshin aǵymdaǵy jyly rezıdentterdi asa tapshy medısınalyq mamandyqtar boıynsha oqytýǵa 120 grant bólindi. Medısınalyq kolejde oqýǵa 391 grant bólindi.
Almaty qalasynyń medısınalyq uıymdarynda 26 808 qyzmetker jumys isteıdi, onyń ishinde 6 343 dáriger, 13 232 orta medısınalyq qyzmetker, 3 872 kishi medısınalyq personal jáne basqa da personal - 3 361 adam. Sondaı-aq, KVI derti órshigen jaǵdaıda ınfeksıalyq stasıonarlarda jumys isteıtin medısına kadrlarynyń rezervi daıyn.