Jalpy grant sany 94 myńnan astam, onyń ishinde 78 myń grant – bakalavrıat stýdentterine, 13 myń grant magıstratýraǵa berilse, 3 myń grant bolashaq doktoranttarǵa qarastyrylǵan, dep habarlaıdy aqshamnews.kz.
Mınıstrliktiń málimetine súıensek, 99 paıyz grant 4 jylda tuńǵysh ret ıgerilse, sý tasqynynan zardap shekken óńir talapkerlerine 15 382 grant berilgen.
Qazaqstanda ashylyp jatqan sheteldik joǵary oqý oryndarynyń fılıaldary úshin 1 890 grant bólingen. Odan bólek, 5 000 nysanaly grant 100 paıyz, aýyl sharýashylyǵy men veterınarıa baǵytyndaǵy granttar tolyq ıgerilgen.
Aıta keter jaıt, bıyl 104 121 túlek grantqa ótinim bergen. Bul ótken jylmen salystyrǵanda, 10 000 adamǵa artyq kórsetkish.