Saltanat Núkenovanyń ólimine qatysty is boıynsha sottalǵan Baqytjan Baıjanovtyń raqymshylyq jasaý týraly ótinishi qanaǵattandyryldy, - dep habarlaıdy Aqshamnews.kz tilshisi Massaget.kz-ke silteme jasap.
Stepnogorsk qalalyq soty "QR Konstıtýsıasynyń otyz jyldyǵyna baılanysty raqymshylyq jasaý týraly" zańdy qoldanyp, sottalǵan B.-nyń jazasyn óteý merzimin qysqartý týraly QAJ mekemesiniń usynysyn qarady.
"Sot 2024 jylǵy 13 mamyrda B. QR QK 432-baby boıynsha tórt jylǵa sottalǵanyn anyqtady. Sot sottalǵan B.-ǵa qatysty usynysty mynadaı negizder boıynsha qanaǵattandyrdy: QR QK 78-babynyń 2-bóligine sáıkes aýyr nemese asa aýyr qylmys jasaǵany úshin sottalǵan adamdarǵa jaza merzimi qysqartylýy múmkin. "Qazaqstan Respýblıkasy Konstıtýsıasynyń otyz jyldyǵyna baılanysty raqymshylyq jasaý týraly" zańǵa sáıkes negizgi jazanyń ótelmegen bóliginiń merzimi nemese mólsheri zalal ótelgen jaǵdaıda ne olar bolmaǵan kezde aýyr qylmystar boıynsha úshten birine qysqartylady", - dep jazylǵan sot habarlamasynda.
Sot úkimimen B.-dan óndirip alynǵan májbúrli tólem jáne is júrgizý shyǵyndary tolyq kólemde ótelgen.
Sot qaýlysymen B.-nyń jaza merzimin qysqartý týraly usynys qanaǵattandyryldy.
"QR Konstıtýsıasynyń otyz jyldyǵyna baılanysty raqymshylyq jasaý týraly" zańǵa sáıkes jaza merziminiń ótelmegen bóligi qysqartylyp, túpkilikti 1 jyl 4 aı 17 kúnge bas bostandyǵynan aıyrý merzimi belgilendi.
Sot aktisi zańdy kúshine engen joq.
Aıta keteıik, Baıjanov bıyl 9 shildede Stepnogorsk aýdandyq sotyna júgingen bolatyn.