24-27 shilde kúni aralyǵynda Almatyda Din isteri basqarmasynyń "Din salasyndaǵy máselelerdi zertteý ortalyǵy" KMM-si uıymdastyrýymen aqparattyq-túsindirý jumystary júrgizildi.
Búl jumysqa 200 adam qamtyldy.
Onyń ishinde:
- Ózin-ózi jumyspen qamtyǵandar arasynda 5 shara;
- Qandastar arasynda 1 shara;
- Áıel-qyzdar arasynda 1 shara;
- Jumyssyzdar arasynda 1 shara.
Dáriskerler tarapynan tyńdaýshylarǵa qoǵamdyq oryndarda bet-álpetti jabatyn kıim kıýge resmı tyıym salýǵa qatysty Zańnamadaǵy ózgeristerdi túsindirý, memlekettiń zaıyrly qurylymynyń qundylyqtary túsindirilip, aqparattyq taratpa materıaldar taratyldy.
Almatyda ózge din jeteginde ketkendermen jumys qalaı júrgiziledi?
Qazaqstan Respýblıkasyn Konstıtýsıasynyń 2 babyna sáıkes árkimniń ar-ojdan bostandyǵyna quqyǵy bar. Osyǵan baılanysty, azamattardyń kez kelgen dindi ustanýǵa nemese ustanbaýǵa quqyǵy bar ekendigin atap ótken jón.
Budan bólek, ekstremıstik dinı aǵymdardan zardap shekken azamattarǵa kómek kórsetý maqsatynda 2017 jyldan beri Basqarma janyndaǵy «Keńes berý jáne ońaltý ortalyǵy» óz qyzmetin júrgizip keledi. Atalǵan ortalyq teolog jáne psıholog mamandardyń qatysýymen ekstremıstik sıpattaǵy dinı aǵymdardyń radıkaldy, sondaı-aq jalǵan ıdeologıalarynyń yqpalyna ushyraǵan adamdar úshin keńes berý, aldyn alý jáne ońaltý qyzmetterin kórsetýmen aınalysady.
Bul baǵyttaǵy jumys aǵymdaǵy jyly da júıeli jáne josparly negizde jalǵasýda. Sonymen qatar, ortalyqta erler men áıelderge arnalǵan senim telefony bar ekendigin atap ótken jón (erlerge arnalǵan senim telefony: +77011207570, áıelderge arnalǵan senim telefony: +77011200503).