Bizdiń keń baıtaq Qazaqstanymyz óziniń baı tarıhymen, tól mádenıetimen áıgili. Elimizde 130-dan astam ult ókilderi tatý-tátti ómir súrip keledi. Olardyń barlyǵy birtutas halyqtyń – qazaqstandyqtardyń ókili jáne ortaq úıimiz – Qazaqstannyń damýy men gúldenýine ólsheýsiz úlesterin qosýda.
Kópshiligimiz bala kezimizden patrıotızmniń óte mańyzdy jáne qymbat uǵym ekenin bes saýsaǵymyzdaı bilemiz. Basqasha aıtqanda, bul – óz ómirin qurban etýge daıyn bolýdan kórinetin Otanǵa degen erekshe súıispenshilik pen qurmet sezimi.
Memleketimizdi qaı tusynan alsań da óte baı. Shyndap kelgende, ózge halyqta tapshy bolǵan munaı qory bizde bastaýyn tabady, osylaısha Qazaqstan álem boıynsha munaı qorynan 9-oryndy ıelengen. Kómir qory 8-oryn bolsa, ýran arqyly 2-shi oryndy da biz ıemdenemiz. Elimizdiń sońǵy ári mańyzdy aqparaty boıynsha halqymyzdyń sany 20 mln-ǵa jetti. Menińshe, bul kórsetkish áli tek bastamasy. Sebebi, bizdeı halyqtyń tiregi men janashyrlary, eliniń bolashaǵyna ýaıymdaıtyn qoǵam turǵanda sary ýaıymǵa salyný orynsyz dep bilemin.
Bul týraly Memleket basshysy Qasym-Jomart Toqaev Qazaqstan halqy Assambleıasy Keńesiniń keńeıtilgen otyrysynda óte dál aıtty: «Mundaı mysaldar halyqtar dostyǵynyń, belsendi azamattyq patrıotızmniń jáne túrli etnostar ókilderiniń Qazaqstanǵa degen súıispenshiliginiń mysaldary bolyp tabylady. Elimizdiń bilim berý, mádenı, aqparattyq saıasatynda, sonymen qatar, onomastıkada da kórinis tabýy tıis».
Taǵy bir aıta ketetin jaıt, Qazaqstan Respýblıkasynyń Prezıdenti azamattarǵa, ásirese jastarǵa táýelsizdiktiń jaı syı emes, ata-babalarymyzdyń úzdiksiz kúresi ekenin úndedi. «Bul Qazaqstannyń damýynyń 30 jyly ǵana emes. Táýelsizdiktiń qadir-qasıeti Otanǵa aıanbaı qyzmet etý arqyly aıqyndalǵan memleketimizdiń damý tarıhy 1991 jyldan áldeqaıda buryn bastaldy. Atap aıtqanda, Alash-Orda qozǵalysynyń jáne tarıhymyzdyń basqa da qıyn da dańqty sátteri prızmasy arqyly qarastyrylady. Bul halqymyzdyń búkil taǵdyry».
Osy rette bul taqyrypty kórkem fılmder men balalar ádebıeti arqyly tereńdetip, óskeleń urpaqtyń boıynda ata-babalarymyzdyń el táýelsizdigi jolynda neden ótkeni týraly túsinik pen sanany qalyptastyrý qajet.