Qaraǵandy oblysynda kópshilikti alańdatqan oqıǵa boldy
Nura aýdanynda jergilikti fermer ózgeniń úıir jylqysyn atyp, 14 bas maldy qyryp tastaǵan, - dep habarlaıdy Aqshamnews.kz.
Oqıǵa Zarechnoe aýyly mańynda bolǵan. Turǵyndar daladan oq tıip, qyrylyp jatqan jylqylardy kórip, birden habar bergen. Aldyn ala málimetke sáıkes, 17 jylqyǵa oq tıgen, onyń 14-i oqıǵa ornynda mert bolǵan, al úsheýi aýyr jaralanǵan.
Kýágerlerdiń aıtýynsha, oq atqan adam - sol aýylda turatyn fermer. Ol óz jaıylymyna kirip ketken jylqylardy kólikpen qýyp júrip, birneshe ret oq atqan. Qandy áreketinen keıin kúdikti oqıǵa ornynan iz jasyrǵan.
Aýyl turǵyndary onyń iri jer ıesi ekenin aıtyp, jaýapkershilikten sytylyp ketýi múmkin degen alańdaýshylyq bildirýde.