Al qala boıynsha 302 257 adam vaksınanyń tolyq dozasyn alyp bolǵan.
Bul týraly baıandaǵan qalalyq qoǵamdyq densaýlyq saqtaý basqarmasynyń málimetine sáıkes, qala boıynsha vaksınanyń qaldyǵy – birinshi komponenttiń 44 340 dozasy jáne ekinshi komponenttiń 105 054 dozasy bar.
«30 maýsym kúni 10 340 almatylyq vaksına saldyrdy. Bıylǵy jyldyń 1 aqpany men 30 maýsym aralyǵynda qalada vaksınanyń tolyq dozasyn 302 257 adam aldy. Vaksına alǵandardyń ishinde 60 jastan asqan qart kisilerdiń sany - 78 257»,- dep habarlady densaýlyq saqtaý basqarmasy.
Qalada 208 vaksına pýnkti jumys istep tur. Quramyna 1 256 adam jumyldyrylǵan 307 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi tańda medısınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaksınasıa pýnkti jumys isteıdi», - dep aqparat taratty densaýlyq saqtaý basqarmasynyń baspasóz qyzmeti.