Dıplomy bar jastar aqyly túrde tájirıbeden ótip, jumys isteı alady.
Almatyda dıplomy bar, biraq úsh jyldan beri jumyssyz júrgen jastarǵa jańa múmkindik berilip otyr. 29 jasqa deıingi jastar «Eńbek» baǵdarlamasy aıasynda tájirıbeden ótip, jumys isteı alady, dep habarlaıdy Almaty-akshamy.kz.
Almaty jastaryna jasap jatqan jańa múmkindikter týraly 1 shilde kúni qalalyq halyqty jumyspen qamtý ortalyǵynyń dırektory Dılára Imanqulova «Memleket basshysynyń Almatydaǵy qazirgi tańdaǵy jumys oryndaryn saqtaý jáne jańa jumys oryndaryn qurý jónindegi tapsyrmalaryn oryndaý» taqyrybynda ótken onlaın baspasóz máslıhatynda aıtty.
«Eńbek» baǵdarlama aıasynda bizde «Jastar tájirıbesi» atty baǵdarlama júzege asty. Bul baǵdarlama boıynsha bizge suranys, ótinish bildiretin jastar kóp. Olar - joǵarǵy oqý oryndarynyń, arnaıy orta bilim berý oqý oryndarynyń túlekteri. Ádette bizde jumys berýshiler jumysqa tájirıbesi bar mamandardy alady. Al dıplomy bar jastardyń basym kópshiliginiń tájirıbesi joq. Sol sebepten olar baǵdarlama aıasynda aqyly túrde tájirıbeden ótedi. Tájirıbeden ótý jumysy 25 AEK bolady, biraq Almaty úlken shahar bolǵandyqtan, 35 AEK tólenedi. Osy baǵdarlama aıasynda jumys berýshiler de jumys istegisi keletin mamandardy taýyp jatyr», – dedi Almaty qalasy halyqty jumyspen qamtý ortalyǵynyń dırektory Dılára Imanqulova.