30 maýsymda KVI-diń 305 jaǵdaıy tirkeldi. Qalanyń sanepıdemıologıalyq qyzmeti saq júrýge, adamdar kóp jınalatyn jerlerden aýlaq bolýǵa jáne vaksına alýǵa shaqyrady.
Almatyda, 1 shildedegi jaǵdaı boıynsha, koronavırýs ınfeksıasynyń 74 306 jaǵdaıy tirkeldi, onyń 57 841-i sımptomdy jáne 16 465-i sımptomsyz, anyqtalmaǵan pnevmonıa - 1 993.
30 maýsymda koronavırýs ınfeksıasynyń 305 jaǵdaıy tirkeldi, onyń 282-si sımptomdy, 23-i sımptomsyz. Táýliktik ósim 0,4%-dy quraıdy. Reprodýktıvti sany - 1,287. 29 maýsymdaǵy jaǵdaı boıynsha zerttelgen synamalardaǵy úndi shtammynyń úles salmaǵy - 78,3%.
Infeksıalyq stasıonarlarda 703 adam jatyr, onyń 53-i balalar. Jalpy naýqastardyń ishindegi 16 pasıenttiń jaǵdaıy óte aýyr, 153-i aýyr, 534 - ortasha aýyrlyq dárejede. Reanımasıa jáne ıntensıvti terapıa bólimderinde 54 naýqas jatyr. ÓJJ apparatynda jatqan naýqastar - 11, ınvazıvti emes ÓJJ apparatynda - 23, High flow apparatynda - 18.
Búginde AMSK men Telemedısına ortalyǵynyń mobıldi toptary úıdegi 1507 naýqasty baqylaýda, olardyń 213-i sımptomsyz, 1271-i jeńil, 23-i ortasha aýyrlyq dárejede. 205 pasıent juqpaly aýrýlar stasıonarlarynan shyǵaryldy, qazir olar oqshaýlanýda jáne baqylaýda.
Búginde KVI-diń 1295 belsendi oshaǵy bar. Olardyń basym kópshiligi Áýezov aýdanynda, mundaǵy 5255 oshaqtyń 252-si belsendi. Almaly aýdanyndaǵy 5887 oshaqtyń 238-i belsendi. Alataýda - 4047 oshaqtyń ishinen – 191 belsendi, Bostandyqta 5444 oshaqtyń - 153 belsendi. Medeýde 4919 oshaqtyń - 144 belsendi. Dert tirkelgen oryndar - úıler, páterler, keńseler jáne t.b. belsendi oshaqtar bolyp sanalady. Olar 14 kún boıy baqylaýǵa alynady.
Sońǵy 7 kúnde KVI-di 20-39 jas aralyǵyndaǵy 394 adam (37,6%) juqtyrǵan, 40-59 jas aralyǵyndaǵylarda 243 jaǵdaı (23,2%), 60 jas jáne odan joǵarydaǵylarda 211 jaǵdaı (20,1%), 14 jasqa deıin - 131 jaǵdaı (14,6%), 15-19 jasta - 46 (4,4%) jáne 1 jasqa deıin - 22 jaǵdaı (2,1%). Osylaısha, dárigerler men sanıtarlyq dárigerler qoǵamnyń eń belsendi sanatynyń ınfeksıany tez juqtyratynyn aıtty.
Sońǵy aptadaǵy málimetter boıynsha, ınfeksıa qoǵamdyq oryndarda (54,2%), ıaǵnı kafeler, meıramhanalar, túngi klýbtar jáne basqa da jappaı jınalý oryndarynda tez taralýda. KVI dertine shaldyqqanmen baılanysta bolǵandar da bar, ınfeksıanyń 24,4%-y otbasynda juqqan.
Sondyqtan Almatydaǵy KVI-diń taralýynyń aldyn alý jónindegi qalalyq shtab epıdemıologıalyq jaǵdaıdyń ýshyqqanyn eskere otyryp, almatylyqtar men qala qonaqtaryn merekelik demalys kúnderi qarsańynda qoǵamdyq oryndarǵa barýdan bas tartýǵa shaqyrady. Sonymen qatar, sanıtarlyq qaýipsizdik sharalaryn, onyń ishinde betperde taǵý, áleýmettik qashyqtyqty saqtaý qajet. Jalpy, ınfekksıadan qorǵaýdyń jalǵyz senimdi ári tıimdi joly – vaksına saldyrý.
Búginde Almatyda 461 545 adamǵa vaksına egildi. Ótken táýlikte 10340 adamǵa ekpe saldyrdy. Vaksınalanǵandardyń arasynda 60 jastan asqandardyń sany 78257 adamdy quraıdy.
Qalada medısınalyq uıymdarda, mektepterde, mádenı-sporttyq mekemelerde, bazarlarda jáne SOSO- da 208 ekpe pýnkti bar. 1256 adamnan turatyn 307 brıgada vaksına salýǵa jumyldyrylǵan.
Almatyda 28 PTR zerthanasy bar, olardyń jalpy qýattylyǵy táýligine 15 770 synama jasaý. Bolashaqta olardyń qýattylyǵy táýligine 27 242 synamaǵa artatyn bolady. Budan ózge, táýligine 3248 synama jasaıtyn ótkizýge qabiletti IFS zerthanasy bar.