Bas múftı Naýryzbaı qajynyń ıgi bastamasyna meshit ımamdary men jamaǵaty ún qosty.
Qazaqstandaǵy óńirlerde sý tasqyny bolyp jatqanyna baılanysty elimizdiń barlyq ımamy bir mezette duǵa oqydy, dep habarlaıdy Almaty-akshamy.kz
QMDB baspasóz qyzmetiniń málimetinshe, bas múftı Naýryzbaı qajy Taǵanulynyń «Bir mezette bir duǵa» ıgi bastamasyna elimizdiń barlyq óńirinde meshit ımamdary men jamaǵaty ún qosyp, sý tasqynyna baılanysty Quran oqyp, duǵa jasady.
«Atap aıtqanda, jamaǵatpen bir mezette duǵa jasaý Astana, Almaty men Shymkent qalalary, sondaı-aq oblys ortalyqtary men aýdandarynda quptan namazy aldynda uıymdastyryldy. Imamdar jamaǵatpen birge sý tasqynynan zardap shekkenderge jeńildik tilep, Alla Taǵaladan eldiń amandyǵy men tynyshtyǵyn surap duǵa tiledi», delingen Qazaqstan musylmandary dinı basqarmasynyń habarlamasynda.