«Órleý» BAUO» AQ fılıaly Almaty qalasy boıynsha PQBAI qoldaýymen ınstıtýt bazasynda Qalalyq bilim berýdegi jańa tehnologıalardyń ǵylymı-ádistemelik ortalyǵy «Bilimdi ult – turaqty damý kepili» taqyrybynda aǵylshyn tilinen sabaq beretin muǵalimder úshin forým ótkizdi.
300-ge tarta pedagogtiń basyn qosqan dástúrli tamyz keńesiniń sheńberinde ótken forýmǵa Ortalyq Azıa aǵylshyn tili baǵdarlamalary departamentiniń qyzmetkerleri, Set Sınkler jáne Geıl Sınkler syndy tanymal mamandar qatysyp, qashyqtan oqýdan keıingi kezeńde bilim berýge qajetti resýrstarmen tanystyryp, usynystaryn aıtty.
Almaty qalasynyń orta bilim berý mekemeleriniń úzdik muǵalimderi A.Ishangalıeva (№200 mektep), G.Poltýsheva (№132 gımnazıa), Z.Molotova (№153 mektep), V.Sheına (№132 gımnazıa), N.Jumabekova (№133 mektep), K.Kım (№132 gımnazıa), O.Leonteva (SL #165) oqý prosesin uıymdastyrý men basqarý boıynsha óz tájirıbelerimen bólisti. Atap aıtqanda, oqýshylardyń bilimderindegi olqylyqtardy joıý jáne olardyń ornyn tolyqtyrý, AKT tehnologıalaryn tıimdi qoldaný, oqý jobalaryna yntalandyrýdy uıymdastyrý joldary jáne t.b.
Yntymaqtastyq jumys aıasynda SDÝ oqytýshysy Abbas Bodaýbekov aǵylshyn tili sabaǵynda motıvasıany qoldaýdyń jekelengen tásilderi týraly aıtty. «Órleý» BAUO» AQ fılıaly Almaty qalasy boıynsha PQBAI dırektorynyń oqý-isi jónindegi orynbasary Ildana Halıtova «Bilim berýdiń jańartylǵan mazmunynyń erekshelikterin oqytý men oqýdyń ádisteri: oqýshylardyń fýnksıonaldyq saýattylyǵyn damytý» taqyryby boıynsha tanystyrylym jasap, bilim berý sapasyn arttyrýǵa qatysty oı-tujyrymdarymen bólisti.