Osy aptada UQK Shekara qyzmeti Almaty oblysy boıynsha departamentine qarasty Qarasaı aýdanynyń shekara basqarmasyna qarasty Aqjardaǵy tehnıkalyq jáne kásibı daıarlyq bóliminde sarbazdarǵa arnalǵan kórsetilim sabaǵy ótti.
Jyldaǵy dástúr boıynsha «Kúz-2024» shaqyrylymynyń sarbazdaryna Shekara qyzmetiniń qoldanysyndaǵy tehnıkalar, qarý-jaraqtar, baılanys quraldary jáne azyq-túlik kórmesi usynyldy. Bul sharany sheber uıymdastyrǵan «Qaskeleń» shekara bólimshesiniń tárbıe jáne ıdeologıalyq jumystar jónindegi orynbasary, aǵa leıtenant A.Turarov bastaǵan shekarashylar boldy. Sonymen qatar, arnaıy maqsattaǵy utqyr is-qımyldar tobynyń jaýyngerleri quqyq buzýshylardy ustap, olardyń alysqa ketýine múmkindik bermeıtin sheberlikterin kórsetti.
Shekara basqarmasy bastyǵynyń orynbasary, tehnıkalyq jáne kásibı daıarlyq bóliminiń bastyǵy podpolkovnık Saǵadat Áýezov bul sharanyń jas sarbazdar úshin mańyzyn atap ótti. Osydan keıin 500-den astam sarbazǵa arnalǵan kórsetilim sabaǵy bastalyp, bolashaq shekarashylar bes topqa bólinip, bes núktege bardy.
Birinshi núkte – tehnıkalar. Munda shekaralyq qyzmette qoldanylatyn «Kamaz», jol talǵamaıtyn «ÝAZ», arnaıy maqsattaǵy jaýyngerlik tapsyrmalarǵa arnalǵan brondalǵan kólikter tanystyryldy. Sarbazdar osy tehnıkalardy kórip, olardyń shekara qyzmetindegi rólin jaqsy túsindi.
Ekinshi núkte – azyq-túlik kórmesi. Munda sarbazdar ártúrli kókónis pen azyq-túliktiń qoıylǵan kórmesin kórip, qajetti málimettermen tanysty.
Úshinshi núkte – qarý-jaraqtar kórmesi. Avtomattar, tapanshalar jáne snaıper vıntovkalary sekildi shekarany kúzetýge arnalǵan qarýlardy sheber nusqaýshylar tanystyrdy, ári jas sarbazdarǵa sheberlik sabaqtaryn da kórsetti.
Tórtinshi núkte – baılanys quraldary. Shekara qyzmetinde baılanys quraldarynyń mańyzy erekshe. Sarbazdar zamanaýı baılanys quraldarynyń jumysyn úırenip, olardyń paıdalaný erejelerin túsindi. Tipti, sarbazdardyń biri rasıa arqyly óziniń aýylyna habarlasyp, qalǵandaryn kúlkige bóledi.
Besinshi núkte – arnaıy maqsattaǵy shekarashylar tobynyń kórsetilimi. Arnaıy jasaqtyń kúrdeli tapsyrmalardy oryndaý barysyndaǵy qımyldary sarbazdarǵa erekshe áser etti.
Bul shara jas sarbazdardy aldaǵy ant qabyldaý rásimine daıyndap, shekara qyzmetindegi ómirge beıimdeýge úlken úles qosty. «Kúz-2024» shaqyrylymynyń sarbazdary aldaǵy kúnderi ter tógip, shekarashylyq qyzmetke tolyqqandy daıyndyq jasaıdy.