Oǵan erler jáne áıelder komandalarynan barlyǵy 70-ge jýyq sportshy qatysýda.
Asyq atý respýblıkalyq federasıasynyń vıse-prezıdenti Jomart Sabyrjanovtyń aıtýynsha, el kýbogin ótkizýdegi maqsat – ulttyq oıyndy nasıhattap, asyq atýdy ulttyq sport retinde damytý, dep habarlaıdy Almaty-akshamy.kz.
Mádenıet jáne sport mınıstrligi, Atyraý oblysy ákimdigi men Asyq atý respýblıkalyq federasıasynyń uıymdastyrýymen ótip jatqan saıysqa asyq atýdan – 36, bes asyqtan 32 sportshy baq synaýda.
«Qazaq halqynyń ulttyq oıyny qatarynda asyq atý men bes asyq ta bar. Bul oıyn eptilikke, mergendikke baýlıdy. Atyraý oblysynda mundaı saıys alǵash ret ótkizilip jatyr», - dedi oblystyq dene shynyqtyrý jáne sport basqarmasy basshysynyń mindetin atqarýshy Nurjaýǵan Tóleýova.
El kýbogi Atyraý qalasynda «Geolog» sport kesheninde ótip jatyr. Jeńimpazdar 1 qarashada anyqtalady.