Álimhanuly – Bentlı aıqasy jeksenbi, 13 qarasha kúni tańerteń ótedi
WBO nusqasy boıynsha orta salmaqtaǵy álem chempıony Jánibek Álimhanulynyń (12-0, 8KO) brıtanıalyq Denzel Bentlıge (17-1-1, 14KO) qarsy jekpe-jegin qazaqstandyqtar tikeleı efırden kóre alady, dep habarlaıdy Almaty-akshamy.kz QazAqparatqa silteme jasap.
Álimhanuly – Bentlı aıqasy jeksenbi, 13 qarasha kúni tańerteń ótedi. Tikeleı kórsetilim «Habar» arnasynda astana ýaqytymen saǵat 08.00-de bastalady», - delingen Instagram-daǵy «Qazaqstannyń kásipqoı boksy» paraqshasynda.
Eske salaıyq, «Qazaq Style» laqap atymen tanymal Jánibek Álimhanuly bıylǵy 22 mamyrda brıtanıalyq Dennı Dıgnýmdy (14-0-1, 8 KO) ekinshi raýndta nokaýtqa túsirip, WBO nusqasy boıynsha orta salmaqta «ýaqytsha» chempıon atanǵan edi.
Keıin Amerıka boksshysy Demetrıýs Andrade J.Álimhanulymen mindetti jekpe-jekten bas tartty. Osyǵan baılanysty, qazaqstandyq boksshyǵa WBO nusqasy boıynsha orta salmaqtaǵy tolyq quqyly álem chempıony mártebesi berildi.
Boksshyny QR Prezıdenti Qasym-Jomart Toqaev quttyqtady.
Al 3 qazan kúni Top Rank promoýterlik kompanıasy J.Álimhanuly – D.Bentlı jekpe-jegin resmı túrde jarıalady.