Belgıa quramasynyń jattyqtyrýshysy Qazaqstan qaqpashysy Temirlan Anarbekovtiń oıynyn joǵary baǵalady, dep habarlaıdy Aqshamnews.kz tilshisi.
Álem chempıonaty–2026 irikteý machynan keıin Belgıa quramasynyń bas bapkeriniń asıstenti Klod Fısho Qazaqstan ulttyq komandasynyń qaqpashysy Temirlan Anarbekovtiń ónerin erekshe atap ótti.
«Biz oıynǵa muqıat daıyndaldyq, naqty josparymyz boldy. Ekinshi taımda sonyń bir bóligin kórdińizder. Biraq Qazaqstan qaqpashysynyń oıyn deńgeıi bólek, ol búgin keremet oınap, jeke madaqtaýǵa laıyq», – dedi Fısho.
Mach nátıjesi
15 qarashada Qazaqstan quramasy óz alańynda Belgıany 1:1 esebimen teń oıynǵa májbúr etti.
-
Qazaqstannyń enshisinde – 8 upaı
-
Belgıa quramasynda – 15 upaı (bir oıyn artyq)
Satpaevtyń tarıhı goly
Kezdesý óte belsendi bastaldy: 9-mınýtta 17 jastaǵy Dastan Satpaev qarsylas qorǵaýshylarynyń qatesin paıdalanyp, ádemi gol soqty. Bul onyń eresekter quramasyndaǵy alǵashqy goly. Sondaı-aq bul gol ulttyq qurama tarıhyna endi: Qazaqstan sapynda mundaı jasta gol soqqan oıynshy buryn-sońdy bolmaǵan.
Belgıanyń jaýaby
Ekinshi taım bastala salysymen Belgıa tarazy basyn teńestirdi. Kapıtan Hans Vanaken Tımotı Kastanányń pasyn baspen dál aıaqtap, esepti 1:1 etti.
Qazaqstan quramasy óz alańynda álemdik deńgeıdegi qarsylaspen laıyqty oıyn kórsetti.