Sınoptıkterdiń boljaýynsha, beısenbi kúni elimizdiń basym bóliginde kóktaıǵaq bolady, boran soǵady, jel kúsheıýi yqtımal, dep habarlaıdy almaty-akshamy.kz Qazgıdrometke silteme jasap.
25 qarashada atmosferalyq aǵyndardyń áserinen elimizdiń basym bóliginde aýa raıy qubylmaly bolyp, jaýyn-shashyn túsedi, kúndiz eldiń ońtústik-shyǵysyndaǵy taýly aýmaqtarda jáne shyǵysynda jańbyr, qar jaýady. Tek respýblıkanyń batysynda antısıklon áserinen kún raıy ashyq bolýy múmkin.
Elimizdiń basym bóliginde kóktaıǵaq bolady, boran soǵady, jel kúsheıýi yqtımal. Elimizdiń batys jáne ortalyq bóliginde tuman túsýi múmkin.
Kúndiz Túrkistan oblysynyń soltústiginde, batysynda shańdy daýyl soǵýy yqtımal, túnde taýly aýdandarda jel kúsheıip jyldamdyǵy 15-20 m/s, kúndiz – 15-20 m/s bolady, taýly aýdandarda ekpini 23-28 m/s jetedi.
Shyǵys Qazaqstan oblysynyń soltústik jartysynda jaıaý boran soǵady, joldarda kóktaıǵaq bolady, oblystyń soltústiginde, batysynda jel kúsheıip, 15-20 m/s, ekpini 25 m/s jetedi.
Qaraǵandy oblysynyń soltústiginde, batysynda, shyǵysynda jaıaý boran soǵady, kóktaıǵaq bolady, oblystyń ońtústiginde tuman túsedi, shyǵysynda, ortalyǵynda jel jyldamdyǵy 15-20 m/s jetedi, ekpini 23 m/s bolmaq.
Jambyl oblysynyń soltústik-shyǵysynda, ońtústik-batysynda jáne taýly aýdandarynda jeldiń jyldamdyǵy 15-20 m/s bolady, kúndiz ekpini 23-28 m/s jetedi.
Pavlodar oblysynyń soltústiginde, shyǵysynda jaıaý boran soǵady, kóktaıǵaq bolady, oblystyń ońtústiginde, shyǵysynda jel kúsheıip, jyldamdyǵy 15-20 m/s jetedi.
Qyzylorda oblysynyń soltústiginde, ortalyǵynda, túnde Mańǵystaýdyń batysynda, kúndiz Aqmola oblysynyń shyǵysynda, Almaty oblysynyń soltústiginde, soltústik-batysynda, Batys Qazaqstan oblysynyń soltústik-batysynda jel 15-20 m/s kúsheıedi.
Aqmola oblysynyń ońtústik-shyǵysynda jaıaý boran soǵady, kóktaıǵaq bolady,
Mańǵystaý oblysynyń soltústiginde, soltústik – batysynda kóktaıǵaq bolady, tuman túsedi, Qyzylorda oblysynyń soltústiginde kóktaıǵaq bolýy yqtımal.
Qostanaı oblysynyń ońtústiginde, shyǵysynda tuman túsip, kóktaıǵaq bolýy múmkin.
Aqtóbe oblysynyń ońtústiginde kóktaıǵaq bolady.
Atyraý oblysynyń batysynda tuman túsýi múmkin.