2021 jyldyń 29 jeltoqsanynan bastap Reseıge 90 kúnnen astam merzimge keletin Qazaqstan azamattary reseılik medısınalyq mekemelerde nashaqorlyq pen juqpaly aýrýlardyń, onyń ishinde AITV ınfeksıasynyń joqtyǵyn rastaýy kerek dep habarlaıdy almaty-akshamy.kz QazAqparatqa silteme jasap.
Anyqtamalardy İİM aýmaqtyq organdaryna tapsyrý qajet. Kámeletke tolmaǵan nemese áreketke qabiletsiz azamattardyń qujattaryn onyń ata-anasynyń, qorǵanshylarynyń nemese qamqorshylarynyń biri (6 jasqa deıingi balalarǵa qoldanylmaıdy) usyna alady.
Sondaı-aq, qazaqstandyqtarǵa mindetti memlekettik daktıloskopıalyq tirkeýden jáne sýretke túsirýden ótý qajet, odan keıin İİM aýmaqtyq organdary olarǵa tıisti qujat beredi. Nazar aýdaryńyz! Eńbek qyzmeti maqsatynda Reseıge kelgen jaǵdaıda, joǵaryda kórsetilgen rásimder kelgen kúnnen bastap 30 kún ishinde, basqa maqsattarda – 90 kún ishinde ótýi kerek.
Medısınalyq anyqtamalardyń qoldanylý merzimi aıaqtalǵannan keıin qazaqstandyqtar 30 kún ishinde medısınalyq kýálandyrýdan qaıta ótýge jáne jańa qujattardy İİM aýmaqtyq organyna nemese memlekettik jáne jergilikti qyzmetterdiń biryńǵaı portalyn paıdalana otyryp, elektrondyq qujat nysanynda ne vedimistik baǵynysty kásiporyn nemese ýákiletti uıym arqyly usynýǵa mindetti. Joǵaryda atalǵan talaptar oryndalmasa, Reseıde bolý merzimi qysqartylýy múmkin.