Shyǵys Qazaqstan oblysyndaǵy Kúrshim men Samar aýdandaryn jalǵaıtyn «Qyzyl tý» ótkeline salynyp jatqan kópir qurylysy ýaqytyly aıaqtalmaı qalýy múmkin.
Buqtyrma sý qoımasy arqyly ótetin kópir Prezıdent Qasym-Jomart Toqaevtyń tapsyrmasymen 2021 jyly salyna bastaǵan, dep habarlaıdy Almaty-akshamy.kz QazAqparatqa silteme jasap.
Bul - Qazaqstandaǵy eń uzyn kópir bolatyny, jalpy uzyndyǵy - 1316 metrdi quraıtyny aıtylǵan edi.
Jospar boıynsha kópir qurylysy 2024 jylǵa deıin aıaqtalýy tıis bolatyn.
Biraq bir jyldyń ishinde kópir salynyp bitpeıtin sekildi. Buǵan sebep - qarjy máselesi. Kópirdiń qurylysyna respýblıkalyq búdjetten qarjy bólinýi qajet.
SHQO ákimdiginde ótken máslıhat sesıasynda aımaq basshysy Ermek Kósherbaev bul asa mańyzdy kópir qurylysy mindetti túrde aıaqtalatynyn aıtty.
«Kópirge respýblıkalyq búdjetten qarajat bólinýi tıis. Alaıda qazirgi ýaqytta qarjylandyrý máselesi naqty sheshimin tapqan joq. Biraq úkimetpen kelissózder júrgizilýde. Sondyqtan qurylys jumystary mindetti túrde aıaqtalady. Biraq qarajattyń qashan bólinetini ázirge belgisiz», - deıdi ol.