Abattandyrý nátıjesinde Baým toǵaıynda jasyl jelek kólemi ulǵaıady
Almatyda Baým toǵaıynyń aýmaǵyn abattandyrý jobasy júzege asyrylyp jatyr, - dep habarlaıdy Aqshamnews.kz.
Negizgi maqsat - erekshe ekojúıe retinde qalyptasqan bul toǵaıdyń tabıǵı kelbetin barynsha saqtaı otyryp, qala turǵyndary úshin jaıly demalys aımaǵyn qalyptastyrý jáne jasyl qordy saqtaý men kúsheıtý.
Qazaq ulttyq agrarlyq ýnıversıteti men QR Aýylsharýashylyǵy mınıstrliginiń Orman ǵylymı-ınnovasıalyq ınstıtýty júrgizgen túgendeý nátıjelerine sáıkes, toǵaı aýmaǵynda 104 myńnan astam aǵash bar. Onyń ishinde 55%-y – saý, 23%-y – álsiregen, 12%-y – álsiz kúıde, 8%-y – qýraı bastaǵan, al qýrap ketken jáne apatty jaǵdaıdaǵy aǵashtar – shamamen 1%. Jalpy alǵanda, apatty jáne aýrý aǵashtardyń úlesi 9%-dan asady.
Osyǵan baılanysty toǵaıda sanıtarlyq tazartý jáne aǵashtarǵa kútim jasaý jumystary júrgizilýde. Qýraǵan jáne aýrý aǵashtardy kesý tek iriktep, ekojúıeni saý kúıinde saqtaý, aýrýlardyń taralýyna jol bermeý jáne ornyqty jasyl qor qalyptastyrý maqsatynda júzege asyrylady. Baým toǵaıynda jasyl jelek kólemi ulǵaıady.
Almatyda Kerisinshe, 2026 jyly myńnan astam jańa aǵash otyrǵyzý josparlanyp otyr. Bul tabıǵı shyǵynnyń ornyn toltyryp qana qoımaı, jalpy jasyl alqaptyń kólemin arttyrýǵa múmkindik beredi.
Almatyda Baým toǵaıynyń aýmaǵyn abattandyrý jobasy júzege asyrylyp jatyr. Jobany iske asyrý merzimi - 2025 jyldyń qyrkúıeginen 2026 jyldyń mamyryna deıin.
Abattandyrý barysyn baqylaýdy Almaty qalasynyń «Qoǵamdyq keńistikterdi damytý basqarmasy» komýnaldyq memlekettik mekemesi, sondaı-aq avtorlyq jáne tehnıkalyq qadaǵalaý júzege asyrady. Jumys ekologıalyq normalardy qatań saqtaı otyryp júrgiziledi – nysannyń ekologıalyq qaýipsizdigi mamandardyń turaqty baqylaýynda.
Daıyndyq jumystary barysynda keıbir aǵashtardyń qabyǵy zaqymdanǵany tirkelgen. Alaıda bul jaǵdaılar qaıtymdy sıpatta jáne toǵaıdyń ekojúıesine qaýip tóndirmeıdi. Zaqymdanǵan jerler der kezinde dárilenip, arnaıy qorǵaý quraldarymen qalpyna keltirilýde.
Abattandyrý kezinde ekologıalyq taza materıaldar paıdalanylady, sement pen beton buıymdary qoldanylmaıdy. Joba aıasynda tabıǵı gravıılijabyn tóselip, halyqaralyq standarttarǵa saıekologıalyq júrginshiler joldary salynady. Sondaı-aq, energıa únemdeıtin jaryqtandyrý shamdary, polısıa pýnkti men beınebaqylaý ornatylyp, turǵyndardyń qaýipsizdigi qamtamasyz etiledi.
Joba ashyq dıalog negizinde júzege asyrylýda. Kópshilik turǵyndar júrgizilip jatqan jumystardy qoldaıdy. Sonymen qatar, ekologıalyq uıymdar men belsendi azamattarmen birneshe ret kezdesý ótkizilip, olardyń usynysymen pikiri egjeı-tegjeıli qarastyryldy.
Budan bólek, qala turǵyndary arasynan qurylǵan bastamashyl top Baým toǵaıyndaǵy abattandyrý barysyn aptalyq negizde baqylap otyrady. Mundaı yntymaqtastyq formaty jumystyń ashyqtyǵyn qamtamasyz etip, jobany júzege asyrý barysynda qala turǵyndarynyń pikirin eskerýge múmkindik beredi.