Batysta sý tasqyny qaıtty ma?
Batys Qazaqstan oblysynda jergilikti mańyzy bar 1 avtojol arqyly sýdyń ótýi jáne 19 jol tósemin sý shaıyp ketken, dep habarlaıdy Almaty-akshamy.kz Tótenshe jaǵdaılar mınıstrligine silteme jasap.
Shyńǵyrlaý aýdanynyń Aqtaý aýylynda kólik qatynasy joq 1 eldimeken bar. Búgingi kúni saıajaılardaǵy 14 839 úıdi sý basty. Jaıyq ózeninde sý deńgeıiniń kóterilýi saqtalýda. Sý jolyna qapshyqtardy tóseý, sýdan qorǵaý bógetterin salý jumystary túngi aýysymda da júrgizilýde. Oblys boıynsha barlyǵy 1 279 202 dana qapshyq jáne 24 257 myń tonna ınertti materıal tóseldi.
13 939 adam evakýasıalandy, onyń ishinde 5 769 bala. Evakýasıalyq pýnktterde 2 441 adam ornalasqan, 3 729 adam úılerine ketti. 4 940 úı janýary qaýipsiz jerlerge aıdaldy.
Avarıalyq-qutqarý jumystaryna 11 261 adam, 1 988 birlik tehnıka, 229 birlik sý sorý quraly, 197 dana júzý quraly jáne 3 vertolet jumyldyrylǵan.