Sońǵy bes aıda prokýrorlar 100 myńǵa jýyq kásipkerdiń quqyǵyn qorǵaǵan
Bul týraly Memleket basshysy Qasym-Jomart Toqaev Aqordada kásipkerlermen kezdesý barysynda aıtty, dep habarlaıdy Almaty-akshamy.kz Baq.kz-ke silteme jasap.
"Bıznes pen memleket múddeleri arasyndaǵy teńgerimdi qatań saqtaý kerek.Ol úshin kelesi qadamdardy oryndaý qajet.Retteýshi organdar qyzmetiniń repressıalyq sıpatyn tómendetý úshin júıeli sharalar qajet. Quqyq qorǵaý organdary tarapynan orynsyz qýdalaýlar, qysymdar áli de saqtalyp otyrǵany týraly kóptegen belgi bar. Sońǵy bes aıda prokýrorlar 100 myńǵa jýyq kásipkerdiń quqyǵyn qorǵady, bul búkil 2021 jylǵy kórsetkishpen birdeı. Bul faktiler tergeý organdarynyń bıznesti qylmystyq qýdalaý orbıtasyna tabandy túrde tartyp jatqanyn bildiredi", - dedi ol.
Prezıdent ataǵandaı, Bas prokýratýraǵa kásipkerlik sýbektilerine qatysty baqylaý-qadaǵalaý jáne ásirese tergeý áreketterin zańsyz júrgizý faktileriniń aldyn alýdy barynsha qatań baqylaýdy qamtamasyz etý qajet.
«Sondaı-aq kásipkerlerdi kúdikti dep taný keń aýqymdy tájirıbe bar, al shyn máninde bul tek múliktik daýlar.Búginde kez kelgen tirkelgen aryz avtomatty túrde qylmystyq istiń qozǵalýyn bildiredi. Bul kásipkerdiń qyzmetin toqtatady, ınvestısıany toqtatady, iskerlik bedelge kóleńke túsiredi. Onyń ústine sotqa deıingi tergeý uzaq ýaqytqa sozylýy múmkin. Bul oqys oqıǵa emes, adal emes tártip saqshylarynyń múddesi úshin jumys isteıtin júıe. Mundaı mysaldar kóp», - dedi Toqaev.
Prezıdenttiń aıtýynsha, quqyq qorǵaý organdary óz kúshterin birinshi kezekte alaıaqtyqty, aqshany jylystatýdy, zańsyz aqsha tabýdy jáne qarjy pıramıdalaryn salýdy ashýǵa baǵyttaýy kerek.
«Biz kóleńkeli ekonomıkamen batyl kúresýimiz kerek.Azamattyq ınspektorlardyń qyzmetin qatań rettedik. Táýekelderdi basqarý júıesi, tekserý paraqtary jáne profılaktıkalyq baqylaýlar engizildi. Quqyq qorǵaý organdaryna qatysty nege bul istelmeıdi?», - dedi ol.