Tórt kóliktiń qatysýymen bolǵan jol-kólik oqıǵasy boıynsha materıal qaralǵan
Mundaı qýlyqty Qaraǵandy oblysynan Almatyǵa kelgen 1991 jyly týǵan Sh.esimdi azamat jasady, dep habarlaıdy Almaty-akshamy.kz.
«Tórt kóliktiń qatysýymen bolǵan jol-kólik oqıǵasy boıynsha materıal qaralyp jatqan Áýezov aýdandyq polısıa Basqarmasynyń ákimshilik tájirıbe bóliminde jalǵan qujat jasaǵan er adam anyqtaldy. Kináli - Sh.esimdi azamat. Ol jappaı jol apatyna sebep boldy. İsti qaraý barysynda polısıa qyzmetkeri kúdiktiniń júrgizýshi kýáliginiń shynaıylyǵyna kúmándandy: sýret onyki, al JSN basqa adamdyky. Tergeý barysynda júrgizýshiniń naqty derekteri anyqtalyp, nátıjesinde 2019 jyly kólikti mas kúıinde basqarǵany úshin ustalyp, sot úkimimen úsh jyl merzimge kólik quralyn basqarý quqyǵynan aıyrylǵany belgili boldy», - dedi, Almaty qalalyq Ákimshilik polısıa Basqarmasynyń bastyǵy, polısıa polkovnıgi Nurlan Amanbek.
Qujattardy qoldan jasaý deregi QR QK-niń 385 baby boıynsha tirkeldi. Ony Áýezov aýdandyq polısıa Basqarmasy tergep jatyr. Kúdikti ózin qorǵaý úshin, jeke tasymaldaýmen kún kóretindikten qylmys jasaýǵa muqtaj bolǵandyǵyn aıtty.