Qazaqstandyq «Barys» komandasy 19 qańtarda Qurlyqtyq hokeı lıgasyndaǵy kezekti kezdesýin Reseıdiń Iaroslavl qalasynda jergilikti «Lokomotıv» komandasyna qarsy ótkizdi.
Elordalyq klýb qatarynan on jeńilis alyp, týrnır kestesiniń sońǵy satysynda qalyp otyr. Al «Lokomotıv» bıylǵy maýsymda sátti oıyn kórsetip, kósh basynda keledi. Sondyqtan búgingi kezdesý qazaqstandyq komanda úshin ońaıǵa soqpaıtyny anyq edi.
Birinshi kezeńde qos komanda da saq oınap, qaqpalarǵa gol soǵa almady. Alaıda ekinshi kezeńde reseılik klýbtyń shabýyly kúsheıe tústi. 20-mınýtta Aleksandr Radýlov esep ashyp, «Lokomotıvti» alǵa shyǵardy. Keıin 25-mınýtta Baıron Freız, al 38-mınýtta Radýlov taǵy bir márte mergendik tanytyp, esepti 3:0-ge jetkizdi.
Osylaısha, «Barys» 0:3 esebimen jeńilip, qatarynan on birinshi ret utyldy. Bul nátıje elordalyq klýbtyń jaǵdaıyn odan ári qıyndatyp otyr.