Almaty qalasynyń ákimi Baqytjan Saǵyntaev jappaı tártipsizdikter kezinde zardap shekkenderdiń halin surap, ortalyq klınıkalyq aýrýhanaǵa bardy, dep habarlaıdy Almaty-akshamy.kz
Ákimdiktiń baspasóz qyzmetiniń málimetinshe, Baqytjan Saǵyntaev tártipsizdik kezinde zardap shekken saqshylar men sarbazdarǵa qalany terorıstik shabýyldan qorǵaý jolynda atqarǵan eńbegi úshin alǵys bildirgen.
«Qala basshysy qalalyq jedel shtab quramynda qyzmettik mindetin oryndaý kezinde jaraqat alǵan ákimdiktiń memlekettik qyzmetshilerine alǵys bildirdi.
Zardap shekkenderdiń aty-jóni qaýipsizdik maqsatynda aıtylmaıdy», - delingen baspasóz qyzmetiniń málimetinde.
Buǵan deıin búgin Almatyda 49 saýda marketi, 44 janarmaı quıý stansıasy jumys isteı bastaǵanyn habarlaǵanbyz.