Prezıdenttiń qoǵamdyq qaýipsizdikti nyǵaıtý jáne qarjy sektoryn retteý jónindegi tapsyrmalaryn júzege asyrý sheńberinde Parlament birqatar negizgi zań jobasyn qabyldady, - dep habarlaıdy Aqshamnews.kz.
Úkimet otyrysynda zań jobalaý jumysynyń qorytyndylary týraly ádilet mınıstri Erlan Sársembaev habarlady.
Onyń aıtýynsha, 2025 jylǵa arnalǵan jospar tolyǵymen oryndalǵan. Áleýmettik mańyzdy bastamalarǵa erekshe nazar aýdaryldy. Atap aıtqanda, Parlament 5 zań qabyldap, Prezıdentke qol qoıýǵa joldaǵan. Olardyń qatarynda quqyq buzýshylyqtyń aldyn alý, sondaı-aq bankter men bank qyzmeti týraly qujattar bar. Budan basqa, Memleket basshysy mindetti medısınalyq saqtandyrý máseleleri boıynsha túzetýler men úsh jyldyq kezeńge arnalǵan respýblıkalyq búdjetti qosa alǵanda, 3 zańǵa qol qoıdy. Májilistiń qaraýynda 14 zań jobasy jatyr.
«Bul Memleket basshysynyń tikeleı tapsyrmasy boıynsha ázirlengen qoǵam úshin mańyzdy zańdar. Barlyq engizilgen jobalardy qosa alǵanda, 2025 jylǵa arnalǵan jospar oryndaldy», - dep atap ótti Erlan Sársembaev.