Zań jobalaý jumystarynyń 2026 jylǵa arnalǵan josparynyń jobasy azamattardy sıfrlyq transformasıalaý jáne áleýmettik qorǵaý jónindegi mindetterdi eskere otyryp jasaqtaldy
Memleket basshysynyń Joldaýy men tapsyrmalaryn júzege asyrý sheńberinde zań jobalaý jumystarynyń 2026 jylǵa arnalǵan jospary ázirlendi. Úkimet otyrysynda azamattardyń múlkin qorǵaýǵa jáne jańa tehnologıalardy damytýǵa arnalǵan aldaǵy ýaqyttaǵy zańnamalyq bastamalar týraly ádilet mınıstri baıandady.
Josparda 12 zań jobasyn ázirleý qarastyrylǵan, olardyń negizgileri naqty áleýmettik jáne ekonomıkalyq mindetterdi sheshýge baǵyttalǵan. Áleýmettik qorǵaý salasynda turǵyn úıdi tabıǵı apattardan mindetti saqtandyrý týraly zań, sondaı-aq eńbek zańnamasyna jáne áleýmettik qamsyzdandyrý júıesine túzetýler ázirlenýde. Prezıdenttiń tapsyrmalaryn oryndaý sheńberinde memlekettik múlik máseleleri boıynsha túzetýler jáne onlaın-platformalar men mass-medıa máseleleri týraly zańnama daıyndalýda. Ónerkásip blogynda munaı-gaz hımıasy ónerkásibi týraly zań jobasyn engizý josparlanýda.
«Parlamentke birinshi jartyjyldyqta 5, ekinshi jartyjyldyqta 7 zań jobasyn engizý josparlanýda. Prezıdenttiń áleýmettik salaǵa da, sıfrlyq damýǵa da qatysty tapsyrmalaryn sapaly pysyqtaýǵa basymdyq berildi», - dep atap ótti mınıstr.