QR Oqý-aǵartý mınıstriniń shaqyrýymen QR Densaýlyq saqtaý mınıstri Aqmaral Álnazarova elordadaǵy bilim berý uıymdarynyń dırektorlarymen kezdesý ótkizdi. Bul kezdesý eki jaqty yntymaqtastyq máselelerin talqylaý, balalar men jasóspirimderdiń densaýlyǵyn jaqsartýǵa baǵyttalǵan birlesken jobalardy júzege asyrý, mektepterde medısınalyq qyzmetti uıymdastyrý, ınklúzıvti bilim berý kabınetterin damytý jáne pedagogter men oqýshylardyń densaýlyǵyn saqtaý máselelerine arnaldy, dep habarlaıdy aqshamnews.kz
Mınıstr Ǵanı Beısembaevtyń aıtýynsha, memleket basshysynyń tapsyrmasymen 1,7 mıllıon oqýshyny qamtıtyn mektepterde tegin tamaqtandyrý júıesi engizilgen. Bul shara balalardyń bilim alýdaǵy nátıjeliligin arttyrýǵa baǵyttalǵan mańyzdy qadamdardyń biri boldy. Sonymen qatar, aımaqtarda mektep as mázirin óńirlik ónimderdi paıdalaný arqyly jańartý jumystary júrgizilýde, brakerajdyq komısıalar qurylyp, ata-analar, mektep ákimshiligi jáne medısına qyzmetkerleri birlesip baqylaý jumystaryn atqaryp keledi.
Oqý-aǵartý mınıstri balalardyń qaýipsizdigi men salaýatty ómir saltyn qalyptastyrýǵa basymdyq beriletinin, sondaı-aq kásipkerlerdiń óz jaýapkershiligin sezinýi mańyzdy ekenin atap ótti. Mınıstr sanıtarlyq-epıdemıologıalyq sharalar men quqyqtyq aktilerdi qaıta qaraý qajettiligine toqtalyp, aldaǵy jyldarda iri mektepterde stomatologıa kabınetterin ashý josparlanǵanyn málimdedi.
Mınıstr Aqmaral Álnazarova sonymen qatar №95 mektep-lıseıi, №84 "Káýsar" balabaqshasy jáne Astana qalalyq mamandandyrylǵan balalar úıinde boldy. Kezdesý sońynda pedagogter Densaýlyq saqtaý mınıstrine balalardyń densaýlyǵyna degen qamqorlyǵy úshin alǵystaryn bildirdi.