Almatyda balalar kolonıasynyń ustazdary “Otan patrıoty” medalimen marapattaldy.
Almatydaǵy balalar kolonıasynda 49 bala mekeme ishindegi jalpy bilim beretin orta mektepte bilim alady, dep habarlaıdy aqshamnews.kz Polisia.kz-ke silteme jasap.
Búgin atalǵan kolonıada Muǵalimder kúnine arnalǵan saltanatty is-shara uıymdastyrylyp, muǵalimder departament basshylyǵynyń alǵys hatyna ıe bolsa. Ardagerler keńesiniń tóraǵasy E.Saǵalbaev №3 mektep dırektory Z.Atenovaǵa, mektep dırektorynyń orynbasarlary, tájirıbeli ustazdar L.Almazova men A. Alıevaǵa “Otan patrıoty” medalin tabystady. Alańsyz asyr salatyn kezderinde kózderi jáýdirep temir torda júrgen balalardyń janashyry bola bilgen Aızada Alıeva balalar kolonıasynda 20 jylǵa jýyq qazaq tili men ádebıetinen sabaq beredi.
– Men muǵalim ǵana emes, eń aldymen anamyn ǵoı. Al ana júregi qashanda balaǵa degen bal sezimge baı. Jazaly balalardy jabyrqatpaı, qaıta qatelikterin qaıtalamaýǵa úgitteımin. Olarǵa ádebı keıipkerlerdiń jetistikteri men jarqyn ómirlerin mysal etip oqytamyn, – deıdi ulaǵatty ustaz Aızada Alıeva.
Balalardyń sabaqty jaqsy oqyp, tezirek kesimdi jazalaryn ótep, bolashaqta myqty maman bolýlaryna barymyzdy salamyz. Óziń oqytqan balanyń temir tordan bosap, erkindikke shyqqanyn kórgende shyn kóńilden qýanasyń. Bolashaqta qanaty qaıyrylmasa eken degen tilekpen shyǵaryp salasyń Ustazdarǵa arnalǵan saltanatty jıyn sońy oqýshylardyń óz kúshterimen daıyndaǵan konserttik baǵdarlamaǵa ulasty.