Almaty qalasynyń QAJ departamentine qarasty №11 mekemesinde tárbıe jumysyn nyǵaıtýǵa baılanysty semınar ótti, dep habarlaıdy aqshamnews.kz
Almaty qalasy Qoǵamdyq damý basqarmasynyń qoldaýymen, «Social project management» qoǵamdyq qorynyń dırektory, joba jetekshisi Beıbit Nálibaevtiń uıymdastyrýmen bolǵan «Bas bostandyǵynan aıyrý orynan shyqqan adamdy áleýmettik beıimdeýge baǵyttalǵan joba» aıasyndaǵy psıhoáleýmettik trenıńtiń jetkinshekterge bereri bar deıdi sarapshylar.
– Biz bas bostandyǵynan aıyrylyp, jazasyn ótep jatqan jasóspirimderge erteńgi kúni bostandyqqa shyqqannan keıin tyǵyryqqa tirelip, qoǵamnan alshaqtap qalmaýy úshin ne isteý kerektigin aıtamyz, aldaǵy jaqsy kúnderden úmit úzbeýge shaqyramyz. Olarǵa "sotty bolý – sońǵy úkim emes" ekenin túsindirip, olardyń da osynaý ómirden óz ornyn taba alatynyna sendirip, ishki motıvasıasyn kótergimiz keledi, – deıdi qoǵamdyq qordyń joba úılestirýshisi Bekzat Saǵyndyqov.